ଭୁବନେଶ୍ବର: ଚାକିରି କରନ୍ତି କଣ୍ଟ୍ରୋଲ ରୁମରେ । ହେଲେ ମହିଳାଙ୍କୁ କଲ କରନ୍ତି ଅଶ୍ଳୀଳ ଢଙ୍ଗରେ। ଫେସବୁକରେ କମେଣ୍ଟ ଆଉ ହ୍ବାଟ୍ସପରେ ଚାଟିଂ। ଟିକଟକରେ ଡୁଏଟ ଆରମ୍ଭ କରି ଫୋନକଲରେ ମହିଳାଙ୍କ ପିଛା କରୁଥିଲେ ରସିକିଆ ଏଏସଆଇ। ଏମିତି ଜଣେ ରସିକିଆ ଏଏସଆଇଙ୍କୁ ଅଭିଯୋଗ ପରେ ମହିଳା ଥାନା ଅଟକ ରଖିଛି । ସେପଟେ ଅଭିଯୋଗ ପରେ ତାଙ୍କୁ ନିଲମ୍ବିତ କରଛନ୍ତି ଏସଏଫଏସଏଲ ଆଇଜି । ଅଭିଯୁକ୍ତଙ୍କ ନାଁ ସୁବ୍ରତ ଜ୍ଞାନ ରଞ୍ଜନ। ଓଡିଶା ପୋଲିସରେ କାମ କରନ୍ତି ସେ ।
କଣ୍ଟ୍ରୋଲ ରୁମରୁ ଅଶ୍ଳୀଳ ଫୋନ କରି ମହିଳା ଥାନାରେ ପୁରୁଷ ଏଏସଆଇ ଗିରଫ
ଅଫିସିଆଲ କଲ ସେଣ୍ଟରରୁ ବି କଲ କରି ମହିଳାଙ୍କୁ ଅଶ୍ଳୀଳ କଥା କୁହନ୍ତି । ଏପରିକି ମହିଳାଙ୍କୁ ତାଙ୍କ ସହ କଥା ହେବାକୁ ବାଧ୍ୟ କରିବା ସହ ତାଙ୍କ ସହ ଦେଖା କରିବା ସହ ସମୟ ବିତାଇବାକୁ ବାଧ୍ୟ କରନ୍ତି । ମହିଳା ଜଣଙ୍କ ପୁର୍ବରୁ ତାଙ୍କ ନାରେ ଅଭିଯୋଗ କରିବା ପରେ ସେ ଭୁଲ ମାଗିଥିଲେ କିନ୍ତୁ ପୁଣି ଏମିତି କାମ କରିବା ଆରମ୍ଭ କରିଥିଲେ ।