ଭୁବନେଶ୍ବର: ରାଜ୍ୟରେ ସାଙ୍ଘାତିକ ଭାବରେ ବୃଦ୍ଧି ଘଟୁଛି କୋରୋନା ଆକ୍ରାନ୍ତଙ୍କ ଆଂଖ୍ୟା। ଏଭଳି ପରିସ୍ଥିତିକୁ ଦେଖି ରାଜ୍ୟ ସରକାର ନେଇଛନ୍ତି ନିଷ୍ପତି । 45 ଦିନ ବ୍ୟାପି ଘର ଘର ବୁଲି ଖୋଜାଯିବ କୋରୋନା। ପ୍ରତି ଗାଁ, ସହର, ବସ୍ତିରେ ଖୋଜାଯିବା କୋରୋନା । ହୋମ କ୍ବାରେଣ୍ଟାଇନକୁ ଗୁରୁତ୍ବ ସହକାରେ ନେବାକୁ ପରାମର୍ଶ ଦିଆଯାଇଛି ।
ଏହି ଅଭିଯାନ ରେ ଆଶା ଦିଦିଙ୍କୁ ସହଯୋଗ କରିବାକୁ ଲୋକଙ୍କୁ ନିବେଦନ କରିଛନ୍ତି ରାଜ୍ୟ ସରକାର। ଯଦି ଲକ୍ଷଣ ରହିଥାଏ, ତେବେ ଲୁଚିବେ ନାହିଁ କି ଲୁଚେଇବେ ନାହିଁ। ଏହା ସହ ମେଡ଼ିସିନ ଖାଇ ଜ୍ବରକୁ କମାଇବେ ନାହିଁ। ଲକ୍ଷଣ ନଥିଲେ ବି 24 ଘଣ୍ଟାରେ ଜୀବନ ନେଇଯାଇପାରେ ବୋଲି ସତର୍କ କରାଇଛନ୍ତି ସରକାରଙ୍କ କୋଭିଡ ମୁଖପାତ୍ର ସୁବ୍ରତ ବାଗଚୀ ।
ହୋମ କ୍ବାରେଣ୍ଟାଇନରୁ ଖସିଯିବା ମାନେ ଯମ କୋଳକୁ ଚାଲିଯିବା । ହୋମ କ୍ବାରେଣ୍ଟାଇନକୁ ଗୁରୁତ୍ବ ସହ ନେବାକୁ ପରାମର୍ଶ। ଅଯଥା କ୍ବାରେଣ୍ଟାଇନରେ ରହିଥିବା ବେଳେ ବାହାରେ ବୁଲାବୁଲି କରନ୍ତୁ ନାହିଁ। ସରକାରଙ୍କୁ ସହଯୋଗ କରନ୍ତୁ । ସହରାଞ୍ଚଳରେ ଲୋକମାନଙ୍କର କୋରୋନା ଲକ୍ଷଣ ଦେଖିବା ମାତ୍ରେ ସଂଗରୋଧରେ ରହିବା ଆବଶ୍ୟକ। ସେପଟେ ହୋମ କ୍ବାରେଣ୍ଟାଇନରୁ କେବେବି ଖସିଯିବାକୁ ଚେଷ୍ଟା କରନ୍ତୁ ନାହିଁ ବୋଲି କହିଛନ୍ତି ସୁବ୍ରତ ବାଗଚୀ ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ