ଭୁବନେଶ୍ବର: ନିକଟରେ ପାଳିତ ହୋଇଯାଇଛି ଓଡିଆ ସଂଗୀତ ଜଗତର ମହାନ କଳାକାର ସଭିଙ୍କ ପ୍ରିୟ ଖୋକା ଭାଇ ଓରଫ ଅକ୍ଷୟ ମହାନ୍ତିଙ୍କ ଜୟନ୍ତୀ । ଏହି ଅବସରରେ ତାଙ୍କ ପ୍ରତି ଶ୍ରଦ୍ଧାଞ୍ଜଳୀ ଜ୍ଞାପନ କରିବାକୁ ଯାଇ ସମ୍ଭାବନା ଅନୁଷ୍ଠାନ ପକ୍ଷରୁ ଆୟୋଜିତ ହୋଇଯାଇଛି କାର୍ଯ୍ୟକ୍ରମ ‘ଅପାସୋରା ଗୀତି’ । କାର୍ଯ୍ୟକ୍ରମରେ ଯୋଗ ଦେଇ କଣ୍ଠଶିଳ୍ପୀମାନେ ଅକ୍ଷୟ ମହାନ୍ତିଙ୍କ ଗୀତ ସବୁ ଗାଇବା ସହ ତାଙ୍କ ସ୍ମୃତିଚାରଣ କରିଥିଲେ ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
ସ୍ଥାନୀୟ ଜୟଦେବ ଭବନ ପରିସରରେ ଆୟୋଜିତ ଏହି ଉତ୍ସବରେ ପ୍ରଣବ ପଟ୍ଟନାୟକ, ଗୌତମ ଗିରି, ଛନ୍ଦା ମିଶ୍ର, ଅର୍ଣ୍ଣବ ପଣ୍ଡା, ଆଶିଷ ଦତ୍ତ, ଇପ୍ସିତା ମହାନ୍ତି, ରିତିକା ରିମ ଝିମ, ବିପୁଲ ଓ ପୁଣ୍ୟତା ଦାସ ଆଦି କଣ୍ଠଶିଳ୍ପୀମାନେ ଯୋଗ ଦେଇଥିଲେ । ସେମାନେ ଅକ୍ଷୟ ମହାନ୍ତିଙ୍କ ଦ୍ବାରା ପରିବେଷିତ, ଲିଖିତ ଓ ନିର୍ଦ୍ଦେଶିତ ସଙ୍ଗୀତ ପରିବେଷଣ କରିଥିଲେ । ଉପସ୍ଥିତ ଦର୍ଶକମାନେ ମଧ୍ୟ ଏହି କାର୍ଯ୍ୟକ୍ରମକୁ ଭରପୂର ଉପଭୋଗ କରିଥିଲେ ।