ଯୁକ୍ତ ତିନି ତୃତୀୟ ପର୍ଯ୍ୟାୟ ଆଡମିଶନ ପାଇଁ ଆବେଦନ ତାରିଖ ଘୋଷଣା

ପ୍ରକାଶ ପାଇଲା ଯୁକ୍ତ ତିନି ତୃତୀୟ ପର୍ଯ୍ୟାୟ ଆଡମିଶନ ପାଇଁ ଆବେଦନ ତାରିଖ । ଜାନୁଆରୀ 29ରୁ ଆବେଦନ କରିବେ ଛାତ୍ରଛାତ୍ରୀ । ଫେବୃଆରୀ 4ରେ ହେବ ଆଡମିଶନ । ଅଧିକ ପଢନ୍ତୁ...

ଭୁବନେଶ୍ବର: ଯୁକ୍ତ ତିନି ତୃତୀୟ ପର୍ଯ୍ୟାୟ ଆଡମିଶନ ପାଇଁ ଆବେଦନ ତାରିଖ ଘୋଷଣା ହୋଇଛି । ଆସନ୍ତା 29 ତାରିଖରୁ ଅନଲାଇନ ମାଧ୍ୟମରେ ଆବେଦନ କରାଯାଇ ପାରିବ ବୋଲି କୁହାଯାଇଛି ।

ଆଡମିଶନ

ପ୍ରଥମ ପର୍ଯ୍ୟାୟ ଓ ଦ୍ବିତୀୟ ପର୍ଯ୍ୟାୟରେ ଆଡମିଶନ କରିନଥିବା ତଥା ଆଡମିଶନ ପାଇଁ ଆବେଦନ କରିନଥିବା ଛାତ୍ରଛାତ୍ରୀ ଓ ଯୁକ୍ତଦୁଇ ଇନଷ୍ଟାଣ୍ଟ ପରୀକ୍ଷାରେ ପାସ କରିଥିବା ଛାତ୍ରଛାତ୍ରୀ ମାନେ ଆବେଦନ କରିପାରିବେ ।

ୱେବସାଇଟ୍ www.samsodisha. gov.inରେ ଅନଲାଇନରେ ସାଧାରଣ ଆବେଦନ ଫର୍ମ (CAF)ରେ ଆବେଦନ କରିପାରିବେ। ଏହି ଆବେଦନ ପ୍ରକ୍ରିୟା ଜାନୁଆରୀ 29 ତାରିଖରୁ ଆରମ୍ଭ ହୋଇ ଫେବୃଆରୀ 2 ତାରିଖ ଯାଏଁ ଚାଲିବ । ଫେବୃଆରୀ 3 ତାରିଖରେ ମେରିଟ ଲିଷ୍ଟ ପ୍ରକାଶ ପାଇବ । ପରେ 4 ତାରିଖରେ ଆଡମିଶନ ହେବ ।

ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ