ହାଇଦ୍ରାବାଦ:କୋଟିଆ ମାମଲାରେ ଓଡିଶାକୁ ଆଶ୍ବସ୍ତି । ପଡୋଶୀ ଆନ୍ଧ୍ରପ୍ରଦେଶ ସରକାରଙ୍କୁ ହାଇକୋର୍ଟରୁ ମିଳିଛି ଝଟକା । କୋଟିଆରେ ହୋଇଥିବା ପଞ୍ଚାୟତ ଓ ଜିଲ୍ଲାପରିଷଦ ନିର୍ବାଚନକୁ ଅସିଦ୍ଧ ଘୋଷଣା କରିଛନ୍ତି ଆନ୍ଧ୍ର ହାଇକୋର୍ଟ । ନିର୍ବାଚନରେ ସୁପ୍ରିମକୋର୍ଟଙ୍କ ଗାଇଡଲାଇନ ଉଲ୍ଲଂଘନ ହୋଇଥିବା କହିଛନ୍ତି କୋର୍ଟ । କିନ୍ତୁ ପୁଣି ଥରେ ନିୟମାନୁସାରେ ନିର୍ବାଚନ ପାଇଁ ନିର୍ଦ୍ଦେଶ ଦେଇଛନ୍ତି ଅଦାଲତ ।
ଆନ୍ଧ୍ରପ୍ରଦେଶରେ ଅନୁଷ୍ଠିତ ପଞ୍ଚାୟତ ନିର୍ବାଚନକୁ ଅସିଦ୍ଧ ଘୋଷଣା କରିଛନ୍ତି ଆନ୍ଧ୍ର ହାଇକୋର୍ଟ । କୋଟିଆରେ ଆନ୍ଧ୍ର ପକ୍ଷରୁ ହୋଇଥିବା ନିର୍ବାଚନ ଅସିଦ୍ଧ ଘୋଷଣା ହୋଇଛି । ପୁନର୍ବାର ନିର୍ବାଚନ ତାରିଖ ଘୋଷଣା ହେବ ଏବଂ ଭୋଟିଂ ପୂର୍ବରୁ 4 ସପ୍ତାହ ଆଦର୍ଶ ଆଚରଣ ବିଧି ଲାଗୁହେବ ବୋଲି କହିଛନ୍ତି ହାଇକୋର୍ଟ ।