ଭୁବନେଶ୍ବର: ନାବାଳିକା ଦୁଷ୍କର୍ମ ଓ ନିଖୋଜ ପ୍ରସଙ୍ଗରେ ଉଭୟ ବିରୋଧୀ ଓ ସରକାରୀ ଦଳ ନିଜ ନିଜ ଜିଦରେ ଅଟଳ ରହିବା ଫଳରେ ବାରମ୍ବାର ଗୃହ ମୁଲତବୀ ହୋଇଥିଲା । ସମାଧାନ ପାଇଁ ବାଚସ୍ପତି ସର୍ବଦଳୀୟ ବୈଠକ ଡକାଇଥିଲେ ।
ଭିଡିଓ ସୌଜନ୍ୟ: ଚିଫ୍ ବ୍ୟୁରୋ, ଭୁବନେଶ୍ବର
6 ଥର ଗୃହ ମୁଲତବୀ ପରେ ବି ସର୍ବଦଳୀୟ ବୈଠକରେ କୌଣସି ନିସ୍କର୍ଷ ବାହାରି ପାରିଲା ନାହିଁ । ଫଳରେ ବିରୋଧୀ କଂଗ୍ରେସ କକ୍ଷତ୍ୟାଗ କରି ବିଧାନସଭା ପରିସରରେ ଥିବା ଗାନ୍ଧୀମୂର୍ତ୍ତୀ ତଳେ ଧାରଣାରେ ବସିଛି । ସେପଟେ ବିଜେପି ବିଧାୟକମାନେ ପୋଡିୟମ ସମ୍ମୁଖରେ ନାରାବାଜି କରିବା ସହ ଗୃହ ଭିତରେ ଧାରଣାରେ ବସିଛନ୍ତି । ବିଜେପି ବିଧାୟକ ମାନେ ଅନୁସୂଚିତ ଜାତି ଓ ଜନଜାତି ବିଭାଗର ଖର୍ଚ୍ଚ ଦାବି ଆଲୋଚନାରେ ଅଂଶଗ୍ରହଣ କରିନଥିଲେ ।