ଭୁବନେଶ୍ବର: ପ୍ରକୃତ ଚାଷୀ ଓ ଆଦିବାସୀ ହାତରେ ଜମି, ଜଳ ଓ ଜଙ୍ଗଲ ଅଧିକାର ଏବଂ ଫସଲର ଲାଭ ଜନକ ଦର ଆଦି ବିଭିନ୍ନ ଦାବି ନେଇ ରାଜଧାନୀରେ ଗଣଧାରଣା କରିଛି ଅଖିଳ ଭାରତୀୟ କ୍ରାନ୍ତିକାରୀ କୃଷକ ସଙ୍ଘ ଓ ଆଦିବାସୀ ଭାରତ ମହାସଭା।
ସୋମବାର ମିଳିତ ଭାବେ ଉଭୟ ସଂଘ ମାଷ୍ଟର କ୍ୟାଣ୍ଟିନ ଛକରେ ବିକ୍ଷୋଭ ପ୍ରଦର୍ଶନ କରିଛନ୍ତି। 21 ଦଫା ଦାବିରେ ଭାରତୀୟ କ୍ରାନ୍ତିକାରୀ କୃଷକ ସଭା ଓ ଆଦିବାସୀ ଭାରତ ମହାସଭା ରାଜ୍ୟ ସରକାରଙ୍କୁ ଘେରିଛନ୍ତି। ସଙ୍ଘର କହିବା ଅନୁଯାୟୀ ଦିନକୁ 31 ଜଣ ଚାଷୀ ମୃତ୍ୟୁ ହେଉଛି। କେନ୍ଦ୍ର ଓ ରାଜ୍ୟ ସରକାର ସମସ୍ତ ଚାଷ ଜମିକୁ ବିଭିନ୍ନ କର୍ପୋରେଟ କମ୍ପାନୀ ହାତକୁ ଟେକି ଦେଉଛନ୍ତି। ଯାହା ଫଳରେ ଚାଷୀ ଅନେକ ଅସୁବିଧାର ଶିକାର ହୋଇ ଆତହତ୍ୟାକୁ ଶେଷ ପନ୍ଥା ଭାବି ନେଉଛି।