1000 ଟିକା ପାଇଁ ଆର୍ଥିକ ସହାୟତା ଦେବେ ଅକ୍ଷୟ ପରିଜା

ରାଜ୍ୟରେ ଟିକାର ଆବଶ୍ୟକତାକୁ ନେଇ ବିଦେଶୀ କମ୍ପାନୀଠୁ ଟିକା କିଣିବ ଓଡ଼ିଶା। ରାଜ୍ୟ କ୍ୟାବିନେଟରେ ଏହି ନିଷ୍ପତ୍ତି ନିଆଯାଇଥିବା ବେଳେ ଓଡିଶା ସରକାରଙ୍କ ଦ୍ବାରା ନିଆଯାଇଥିବା ଏହି ଚମତ୍କାର ପଦକ୍ଷେପ ସାଧୁବାଦ ଜଣାଇଛନ୍ତି ପ୍ରଯୋଜକ ଅକ୍ଷୟ ପରିଜା । ଅଧିକ ପଢନ୍ତୁ...

ଭୁବନେଶ୍ବର: ରାଜ୍ୟରେ ଟିକାର ଆବଶ୍ୟକତାକୁ ନେଇ ବିଦେଶୀ କମ୍ପାନୀଠୁ ଟିକା କିଣିବ ଓଡ଼ିଶା। ଏଥିପାଇଁ ଗ୍ଲୋବାଲ ଟେଣ୍ଡର କରାଯିବ । ରାଜ୍ୟ କ୍ୟାବିନେଟରେ ଏହି ନିଷ୍ପତ୍ତି ନିଆଯାଇଥିବା ବେଳେ ଓଡିଶା ସରକାରଙ୍କ ଦ୍ବାରା ନିଆଯାଇଥିବା ଏହି ଚମତ୍କାର ପଦକ୍ଷେପ ସାଧୁବାଦ ଜଣାଇଛନ୍ତି ପ୍ରଯୋଜକ ଅକ୍ଷୟ ପରିଜା ।

1000 ଟିକା ପାଇଁ ଆର୍ଥିକ ଯୋଗଦାନ ଦେବେ ଅକ୍ଷୟ ପରିଜା

ଏହାକୁ ନେଇ ସରକାରଙ୍କ ଟୀକାକରଣ ଆମଦାନି ନିଷ୍ପତ୍ତିକୁ ବେଶ୍ ପ୍ରଶଂସା କରିଛନ୍ତି । ତେଣୁ ଆମଦାନୀକୁ ସୁଗମ କରିବା ପାଇଁ ବିଦେଶୀ ମୁଦ୍ରାରେ ଉଦାର ଭାବରେ ଦାନ କରିବାକୁ ବିଦେଶରେ ରହୁଥିବା ସମଗ୍ର ଅଣ-ବାସିନ୍ଦା ଓଡିଆ ସମ୍ପ୍ରଦାୟକୁ ସେ ନମ୍ର ଅନୁରୋଧ କରିଛନ୍ତି । ଏହାସହ ନିଜେ ମଧ୍ୟ ୧୦୦୦ ଟିକା ପାଇଁ ଯୋଗଦାନ କରିବାକୁ ପ୍ରତିଶୃତି ଦେଇଛନ୍ତି । ପ୍ରଯୋଜକ ଅକ୍ଷୟ ପରିଜାଙ୍କ ଏହି ନିଷ୍ପତ୍ତି ନିଶ୍ଚୟ ସ୍ବାଗତଯୋଗ୍ୟ ଅଟେ ।

ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ