ଭୁବନେଶ୍ବର:ଦଶମ ଶ୍ରେଣୀ ଛାତ୍ର ମୁକୁଳା ଡ୍ରେନରେ ଭାସିଯାଇ ମୃତ୍ୟୁବରଣ କରିବା ଘଟଣାରେ ରାଜରାସ୍ତାକୁ ଓହ୍ଲାଇଲା ଏଆଇଡିଏସଓ । ସୂଚନାନୁସାରେ ରବିବାର ଅପରାହ୍ନରେ ରାଜଧାନୀ ଭୁବନେଶ୍ବର ସ୍ଥିତ ଶତାବ୍ଦୀ ନଗର ବ୍ୟାଙ୍କ କଲୋନୀର ଦଶମ ଶ୍ରେଣୀ ଛାତ୍ର ଜ୍ୟୋତିପ୍ରକାଶ ବେହେରା ମୁକୁଳା ଡ୍ରେନରେ ଭାସିଯାଇ ମୃତ୍ୟୁବରଣ କରିବା ଘଟଣାର ଦୃଢ ପ୍ରତିବାଦ କରି ଆଜି (ସୋମବାର) ଏଆଇଡିଏସଓ (AIDSO) ଭୁବନେଶ୍ବରର ସିଟି କମିଟି ପକ୍ଷରୁ ମାଷ୍ଟର କ୍ୟାଣ୍ଟିନ ଛକଠାରେ ବିକ୍ଷୋଭ ପ୍ରଦର୍ଶନ କରାଯାଇଛି ।
ଡ୍ରେନରେ ଭାସି ଛାତ୍ରର ମୃତ୍ୟୁ; ପରିବାରକୁ କ୍ଷତିପୂରଣ ଦାବିରେ AIDSOର ବିକ୍ଷୋଭ ପ୍ରଦର୍ଶନ
ତେବେ ସଙ୍ଗଠନ ପକ୍ଷରୁ ମୃତ୍ୟୁ ବରଣ କରିଥିବା ଛାତ୍ରଙ୍କ ପରିବାରକୁ ସର୍ବନିମ୍ନ ୨୦ ଲକ୍ଷ ଟଙ୍କାର କ୍ଷତିପୂରଣ ଯୋଗାଇ ଦେବା ସହିତ ବର୍ଷ ବର୍ଷ ଧରି ବିପଦ ସଙ୍କୁଳ ଅବସ୍ଥାରେ ପଡ଼ିରହିଥିବା ଡ୍ରେନଗୁଡ଼ିକ ପାଇଁ ଦାୟୀ କର୍ତ୍ତୃପକ୍ଷଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବା ସହ ଖୁବଶୀଘ୍ର ଡ୍ରେନଗୁଡ଼ିକର ମରାମତି କରି ସେଗୁଡିକୁ ଢାଙ୍କିବା ପାଇଁ ପଦକ୍ଷେପ ଗ୍ରହଣ କରିବାକୁ ଦାବି କରାଯାଇଛି ।