'କେବଳ ଖେଳର ବିକାଶ କଲେ ହେବନାହିଁ, କୃଷିର ବିକାଶ ବି ଦରକାର'

କେବଳ ଖେଳ କିମ୍ବା ଖେଳାଳିଙ୍କ ବିକାଶ କରିଦେଲେ ରାଜ୍ୟରେ ଉନ୍ନତି ଆସିବନି । କୃଷି, ଶିକ୍ଷା ଭଳି ଅନେକ ଗୁରୁତ୍ବପୂର୍ଣ୍ଣ ପ୍ରସଙ୍ଗ ରହିଛି । ସେଥିପ୍ରତି ରାଜ୍ୟ ସରକାର ବିଶେଷ ଦୃଷ୍ଟି ଦିଅନ୍ତୁ ବୋଲି ସୁର ରାଉତରାୟଙ୍କ ପରାମର୍ଶ । ଅଧିକ ପଢନ୍ତୁ...

ଭୁବନେଶ୍ବର:ରାଜ୍ୟରେ ଖେଳର ବିକାଶ ହେଉ, ଖେଳାଳି ପ୍ରୋତ୍ସାହନ ପାଆନ୍ତୁ । ହେଲେ କୃଷି, ଶିକ୍ଷା ଭଳି ଗୁରୁତ୍ୱପୂର୍ଣ୍ଣ କ୍ଷେତ୍ରରେ ବିକାଶ ହେବାର ଆବଶ୍ୟକତା ରହିଛି ବୋଲି କହିଲେ ବରିଷ୍ଠ କଂଗ୍ରେସ ନେତା ସୁର ରାଉତରାୟ ।

ରାଜ୍ୟ ସରକାର ପ୍ରତି ଜିଲ୍ଲାରେ ଖେଳର ସାମୁହିକ ବିକାଶ ପାଇଁ ଆକ୍ସନ ପ୍ଲାନ ପ୍ରସ୍ତୁତ କରୁଛନ୍ତି, ବିଭିନ୍ନ ଜିଲ୍ଲାରେ ୮୯ ଟି ଇନଡୋର୍ ଷ୍ଟାଡିୟମ କରିବା ପାଇଁ ରାଜ୍ୟ କ୍ୟାବିନେଟରେ ଚୂଡାନ୍ତ ରୂପ ନେଇଛି । ବିରୋଧୀ ରାଜ୍ୟ ସରକାରଙ୍କ ଏପରି ପଦକ୍ଷେପକୁ ପ୍ରୋତ୍ସାହିତ କରିବା ସହ ଅନ୍ୟ ଦିଗ ପ୍ରତି ଦୃଷ୍ଟି ଦେବାକୁ ଦାବି କରିଛନ୍ତି ।

ଖେଳର ବିକାଶ ହେବା ଭଲ ହେଲେ ରାଜ୍ୟରେ ଅନେକ ଆବଶ୍ୟକତା ମଧ୍ୟ ରହିଛି । କୃଷି କ୍ଷେତ୍ରରେ ବହୁ ପଛରେ ପଡିଯାଇଛି ରାଜ୍ୟ । କୋଲଡ଼ ଷ୍ଟୋରେଜ ଅବ୍ୟବସ୍ଥା ଯୋଗୁଁ ଚାଷୀ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ଫଳରେ ଚାଷୀ ନିଜର ବହୁମୂଲ୍ୟ ଫସଲ ଦୀର୍ଘଦିନ ଧରି ରଖି ବାରେ ଅସମର୍ଥ । ତେଣୁ ଏଥିପ୍ରତି ମଧ୍ୟ ରାଜ୍ୟ ସରକାର ଦୃଷ୍ଟି ଦେବା ଉଚିତ୍ ବୋଲି ସୁର କହିଛନ୍ତି ।

ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ