ଭୁବନେଶ୍ବର: ରାଜ୍ୟରେ ଧିରେ ଧିରେ କାୟା ବିସ୍ତାର କରୁଛି କୋରୋନା । ପ୍ରଥମେ ଭୁବନେଶ୍ବରରେ ନିଜର ଆଧିପତ୍ୟ ବିସ୍ତାର କରିଥିବା କୋରୋନା ଏବେ ରାଜ୍ୟର 18 ଜିଲ୍ଲାକୁ କବଳିତ କଲାଣି । ଏହାର ମୁକାବିଲା ଭୁବନେଶ୍ବର ମହାନଗର ନିଗମ ସମେତ 4 ଜିଲ୍ଲାକୁ ରେଡ୍ ଜୋନ୍, 12 ଜିଲ୍ଲାକୁ ଅରେଞ୍ଜ ଓ 14 ଜିଲ୍ଲାକୁ ଗ୍ରୀନ ଜୋନ ଘୋଷଣା କରାଯାଇଛି ।
ତେବେ ଏପରି ସ୍ଥିତିରେ 18 ଜିଲ୍ଲାର 245 ଲୋକ ଏଥିରେ ଆକ୍ରାନ୍ତ ହୋଇଛନ୍ତି । ଏମାନଙ୍କ ମଧ୍ୟରୁ 15ରୁ 40 ବର୍ଷ ବୟସର ବ୍ୟକ୍ତି ଅଧିକ ଅଛନ୍ତି । ସେହିପରି ମହିଳାଙ୍କ ତୁଳନାରେ ପୁରୁଷ ଆକ୍ରାନ୍ତଙ୍କ ସଂଖ୍ୟା ଅଧିକ ରହିଛି ।
ତେବେ ଆସନ୍ତୁ ନଜର ପକାଇବା ରାଜ୍ୟରେ କେଉଁ ବୟସର ଲୋକ ଅଧିକ ସଂକ୍ରମିତ
- 15ରୁ 40 ବର୍ଷ ବୟସ: 135 ଜଣ
- 41ରୁ 60 ବର୍ଷ ବୟସ: 73 ଜଣ
- 60 ବର୍ଷରୁ ଉର୍ଦ୍ଧ୍ବ : 24 ଜଣ
- ଜନ୍ମରୁ 14 ବର୍ଷ :13 ଜଣ ରାଜ୍ୟରେ 15ରୁ 40 ବର୍ଷର ଆକ୍ରାନ୍ତ ଅଧିକ
ରାଜ୍ୟରେ ସମୁଦାୟ 245 ଆକ୍ରାନ୍ତ
- ପୁରୁଷ ଆକ୍ରାନ୍ତଙ୍କ ସଂଖ୍ୟା : 193
- ମହିଳା ଆକ୍ରାନ୍ତଙ୍କ ସଂଖ୍ୟା : 52 ରାଜ୍ୟରେ 15ରୁ 40 ବର୍ଷର ଆକ୍ରାନ୍ତ ଅଧିକ
କେଉଁ ଜିଲ୍ଲାରେ କେତେ ଆକ୍ରାନ୍ତ ଓ କେତେ ସୁସ୍ଥ
1. ଯାଜପୁର: 55 ଆକ୍ରାନ୍ତ, ଜଣେ ସୁସ୍ଥ
2. ଖୋର୍ଦ୍ଧା: 50 ଆକ୍ରାନ୍ତ, 32 ସୁସ୍ଥ, ଦୁଇ ମୃତ
3. ଗଞ୍ଜାମ : 47 ଆକ୍ରାନ୍ତ
4.ବାଲେଶ୍ବର: 27 ଆକ୍ରାନ୍ତ, 5 ସୁସ୍ଥ
5.ଭଦ୍ରକ: 23 ଆକ୍ରାନ୍ତ, 12 ସୁସ୍ଥ
6.ସୁନ୍ଦରଗଡ: 12 ଆକ୍ରାନ୍ତ, 6 ସୁସ୍ଥ
7. କେନ୍ଦ୍ରାପଡା: 8 ଆକ୍ରାନ୍ତ, 2 ସୁସ୍ଥ