ରାଜ୍ୟରେ ଦିନକରେ ପୁଣି 9 ମୁଣ୍ଡ ନେଲା କୋରୋନା

ରାଜ୍ୟରେ କାଳ ସାଜିଛି କୋରୋନା। ଗତ 24 ଘଣ୍ଟାରେ ପୁଣି 9 ଜୀବନ ନେଇଛି ଭୂତାଣୁ । ମୃତ୍ୟୁ ତାଲିକାରେ କଟକରେ ସର୍ବାଧିକ 3 ଜଣ କୋରୋନାରେ ପ୍ରାଣ ହାରିଛନ୍ତି ।

ଭୁବନେଶ୍ବର: ପୁଣି କୋରୋନା ନେଲା ଜୀବନ । ଗତ 24 ଘଣ୍ଟାରେ ଆଉ 9 ଜଣଙ୍କ ଜୀବନ ନେଇ ମହାମାରୀ । ଏନେଇ ରାଜ୍ୟ ସ୍ବାସ୍ଥ୍ୟ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି । ରାଜ୍ୟରେ ମୋଟ ମୃତ୍ୟୁ ସଂଖ୍ୟା 399ରେ ପହଞ୍ଚିଛି ।

ମୃତ୍ୟୁ ତାଲିକାରେ କଟକରେ ସର୍ବାଧିକ 3 ଜଣ ଆକ୍ରାନ୍ତଙ୍କ ମୃତ୍ୟୁ ଘଟିଛି । ଜଣେ 50 ବର୍ଷର ପୁରୁଷ ହୋଇଥିବା ବେଳେ ଅନ୍ୟ ଦୁଇ ଜଣ ମହିଳା ରହିଛନ୍ତି । ସେମାନଙ୍କ ବୟସ 70 ବର୍ଷ ଓ 51 ବର୍ଷ ହେବ । ସେହିପରି ସୁନ୍ଦରଗଡର 54 ଓ 60 ବର୍ଷର 2 ଜଣ ପୁରୁଷଙ୍କ ପ୍ରାଣ ନେଇଛି କୋରୋନା । ବଲାଙ୍ଗୀରର ଜଣେ 28 ବର୍ଷୀୟ ଯୁବକ, ରାୟଗଡାର 51 ବର୍ଷର ପୁରୁଷ, ମାଲକାନଗିରିର 53 ଓ ଗଞ୍ଜାମର 60 ବର୍ଷର ପୁରୁଷ କୋରୋନାରେ ପ୍ରାଣ ହରାଇଛନ୍ତି ।

ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ