ଭୁବନେଶ୍ବର: ଦାଣ୍ଡିଆ ନାଚର ମଜା ନେବେ ରାଜଧାନୀବାସୀ । ରଘୁନାଥପୁର ସ୍ଥିତ ଦି ଭାଟିକା ପାର୍ଟିଲନ୍ ପକ୍ଷରୁ ଆୟୋଜିତ ହେଉଛି ଦାଣ୍ଡିଆ ନାଇଟସ୍। ରାଜଧାନୀରେ ନବରାତ୍ରୀ ପାଳନ ଅବସରରେ ଏହା ଆୟୋଜିତ ହେଉଛି। ଏହା ୨୮ ରୁ ଆସନ୍ତା ୩ ତାରିଖ ପର୍ଯ୍ୟନ୍ତ ୬ ଦିନ ଧରି ଦାଣ୍ଡିଆ ନାଇଟସ ହେବ । ଆର୍ ଆଣ୍ଡ ଆର୍ ସେଲିବ୍ରେସନ ସଂସ୍ଥା ସହ ଅନୁବନ୍ଧିତ ହୋଇ ଏହି ଦାଣ୍ଡିଆ ନାଇଟସ୍ ଆୟୋଜନ ହୋଇଛି।
ଏଥିରେ ରାଜଧାନୀବାସୀ ଫେମସ୍ ଡ଼ିଜେର ତାଳେ ତାଳେ ଦାଣ୍ଡିଆ ଖେଳିବା ସହ ବିଭିନ୍ନ ପ୍ରକାର ଫୁଡ ଷ୍ଟଲ୍, ପିଠାପଣା ଓ ସପିଂର ମଜା ନେଇ ପାରିବେ। ତେବେ ପ୍ରସିଦ୍ଧ ଓଲିଉଡ୍ ଗାୟିକା ସୋନମ୍ ଦାସ ଏହି କାର୍ଯ୍ୟକ୍ରମରେ ସଂଗୀତ ପରିବେଷଣ କରିବେ। ପିଲା ମାନଙ୍କ ପାଇଁ ଗେମ୍ ଜୋନର ମଧ୍ୟ ବ୍ୟବସ୍ଥା ଥିବାରୁ ପିଲା ମଧ୍ୟ ବିଭିନ୍ନ ଖେଳର ମଜା ନେଇ ପାରିବେ। ବର୍ଷା ପାଇଁ ଇନଡୋର ସେଲିବ୍ରେସନର ମଧ୍ୟ ବ୍ୟବସ୍ଥା ରହିଛି। ଯେଉଠି ୧୦୦ ରୁ ଅଧିକା ଲୋକେ ଦାଣ୍ଡିଆ ଖେଳିପାରିବେ। ଏନେଇ ଏଣ୍ଟ୍ରି ପାଇଁ ଉଭୟ ଅନଲାଇନ୍ ଓ ଅଫଲାଇନ୍ ଜରିଆରେ କରିପାରିବେ ବୁକିଂ। ତେବେ କପୁଲ୍ ଏଣ୍ଟ୍ରି ପାଇଁ ୩୦୦ ଟଙ୍କା ଥିବା ବେଳେ ୧୨ ବର୍ଷରୁ କମ୍ ପିଲାଙ୍କ ପାଇଁ କୌଣସି ଏଣ୍ଟ୍ରି ଫି ନାହିଁ। ଗତ ଦୁଇ ବର୍ଷ ପରେ ପୁଣି ରାଜଧାନୀରେ ଦାଣ୍ଡିଆ ମହୋତ୍ସବର ଆୟୋଜନ ହେଉଥିବାରୁ ଲୋକମାନେ ଏହାର ଭରପୁର ମଜା ନେବେ ବୋଲି ଆଶା ରଖିଛନ୍ତି ଆୟୋଜକ ।