ଭୁବନେଶ୍ବର: ଶ୍ରମିକଙ୍କ ଭଗବାନ ସୋନୁ ସୁଡଙ୍କ ପରେ ବେସାହାରାଙ୍କ ବନ୍ଧୁ ସାଜିଛନ୍ତି ଅଭିନେତା ସବ୍ୟସାଚୀ । ଆଉ ଏବେ ଏହି ତାଲିକାରେ ନିଜ ନାଁକୁ ସାମିଲ କରିବାକୁ ଆଗେଇ ଆସିଛନ୍ତି ଅଭିନେତା ତଥା କେନ୍ଦ୍ରାପଡ଼ା ଲୋକସଭା ସାଂସଦ ଅନୁଭବ ମହାନ୍ତି । ଟ୍ବିଟ୍ କରି ସାଂସଦ ଅନୁଭବ ଜଣେ କର୍କଟ ପୀଡିତାଙ୍କୁ ସାହାଯ୍ୟ କରିବେ ବୋଲି କହିଛନ୍ତି ।
ପ୍ରକାଶ ଥାଉ କି, ସୁକାନ୍ତ କୁମାର ମେହେର ନାମକ ଜଣେ ଟ୍ବିଟର ବ୍ୟବହାରକାରୀ ଜଣେ କର୍କଟ ପୀଡିତା ଯୁବତୀଙ୍କୁ ସାହାଯ୍ୟ କରିବା ପାଇଁ ସୋନୁ ସୁଡଙ୍କୁ ନିବେଦନ କରିବା ସହ ତାଙ୍କୁ ଟ୍ବିଟରେ ଟ୍ୟାଗ କରିଥିଲେ । ସେଥିରେ ସେ ଉଲ୍ଲେଖ କରିଛନ୍ତି ଯେ, ପୀଡିତା ଜଣକ କର୍କଟ ରୋଗର 4ର୍ଥ ପର୍ଯ୍ୟାୟରେ ଅଛନ୍ତି । ଏନେଇ ସେ ସରକାରଙ୍କୁ ମଧ୍ୟ ଜଣାଇଥିଲେ । ହେଲେ ସରକାରଙ୍କ ପକ୍ଷରୁ କୌଣସି ସୂଚନା ମିଳିନଥିବା ବେଳେ ସମୟ ସହ ତାଙ୍କ ସ୍ଥିତି ମଧ୍ୟ ବିଗିଡିବାରେ ଲାଗିଛି । ଏହାସହ ଉକ୍ତ ଟ୍ବିଟର ବ୍ୟବହାରକାରୀ ଜଣକ ପୀଡିତାଙ୍କ କିଛି ଡକ୍ୟୁମେଣ୍ଟ ମଧ୍ୟ ସେୟାର କରିଥିଲେ ।