ଭୁବନେଶ୍ବର: କୋରୋନା ପାଇଁ ସାମାଜିକ ସୁରକ୍ଷା ବିଭାଗ ପକ୍ଷରୁ ନୂତନ ପଦକ୍ଷେପ ନିଆଯାଇଛି । ଏଥିପାଇଁ 24 ଲକ୍ଷ ହିତାଧିକାରୀଙ୍କୁ ଆଗୁଆ ଭତ୍ତା ପ୍ରଦାନ କରାଯିବ । ସାମାଜିକ ସୁରକ୍ଷା ବ୍ୟବସ୍ଥାରେ ହିତାଧିକାରୀଙ୍କୁ ଏହି ଭତ୍ତା ମିଳିବାକୁ ଥିବାବେଳେ ଅଗ୍ରୀମ 4 ମାସର ଆଗୁଆ ଭତ୍ତା ପ୍ରଦାନ କରିବେ ରାଜ୍ୟ ସରକାର। ଏନେଇ ସୂଚନା ଦେଇଛନ୍ତି ସାମାଜିକ ସୁରକ୍ଷା ବିଭାଗ ଓ ଭିନ୍ନକ୍ଷମ ମନ୍ତ୍ରୀ ଅଶୋକ ପଣ୍ଡା । ଏହାଦ୍ବାରା ରାଜ୍ୟର 48 ଲକ୍ଷ ହିତାଧିକାରୀ ଉପକୃତ ହେବେ ।
ଆଗୁଆ ଭତ୍ତା ପାଇବେ ହିତାଧିକାରୀ
ମଧୁବାବୁ ପେନସନ ଓ ନ୍ୟାସନାଲ ସୋସିଆଲ ଆସିଷ୍ଟେନ୍ସ ପ୍ରୋଗ୍ରାମ ଅଧୀନରେ ଥିବା ରାଜ୍ୟର 24 ଲକ୍ଷ ହିତାଧିକାରୀ ଉପକୃତ ହେବେ ବୋଲି ଜଣାପଡିଛି। ଏହାସହ ଆସନ୍ତା ଏପ୍ରିଲ, ମେ, ଜୁନ ଓ ଜୁଲାଇ ମାସର ଭତ୍ତା ମାର୍ଚ୍ଚ ଶେଷ ସୁଦ୍ଧା ବଣ୍ଟାଯିବ।