ଭୁବନେଶ୍ବର: ମୃତ୍ୟୁ ପୁର୍ବରୁ ଘରୁ ଚାଲି ଚାଲି ଯାଉଥିଲେ ଆଦିତ୍ୟ । ଏପରିକି କୌଣସି ଗାଡିରେ ନୁହେଁ କି କେହି ତାଙ୍କୁ ଗାଡିରେ ନେଇ ନଥିବା ସିସିଟିଭିରୁ ଜଣାପଡିଛି । ମୃତ୍ଯୁ ଦିନ ସଂନ୍ଧ୍ଯାରେ ନିଜ ଘରୁ ୭ଟା ୧୫ ମିନିଟରେ ବାହାରିଥିବା ଆଦିତ୍ଯ ୭ଟା୩୪ ମିନିଟ ସମୟରେ ଚାଲି ଚାଲି ଯାଉଥିବା ନିକଟସ୍ଥ ଏକ ଦୋକାନର ସିସିଟିଭିରେ କଏଦ ହୋଇଛି । ଯେଉଁଥିରୁ ଜିଆରପିକୁ ଆଉ ଏକ ସୁରାକ ମିଳିଛି । ଲିଙ୍ଗରାଜ ଷ୍ଟେସନକୁ ଏକାକି ଯାଉଥିବାର ଏହି ଭିଜୁଆଲକୁ ଆଧାର କରି ଜିଆରପି ତଦନ୍ତ ଚଳାଇଛି ।
ସିସିଟିଭିରେ କଏଦ ଆଦିତ୍ୟ, ଜିଆରପିର ତନାଘନା
ଅନ୍ଯପଟେ ରେକର୍ଡ କରିଥିବା ୨୦ରୁ ଉର୍ଦ୍ଧ୍ବ ଲୋକଙ୍କ ବୟାନକୁ ନେଇ ଏକ ରିପୋର୍ଟ ପ୍ରସ୍ତୁତ କରିଛି । ଯେଉଁ ରିପୋର୍ଟ ଆଧାରରେ ୫୦ ଟି ପ୍ରଶ୍ନ ତିଆରି କରିଛି ଜିଆରପି । ଯାହାକୁ ଆଧାରକରି ବନ୍ଧୁ ବିକାଶ, କଲେଜ ସାଙ୍ଗ ପପୁ ଏବଂ ପତ୍ନୀ ବିଦ୍ଯାଶ୍ରୀଙ୍କର ଲାଇ ଡିଟେକ୍ସନ ଟେଷ୍ଟ ଯାଂଚ କରାଯିବ ବୋଲି ପ୍ରସ୍ତୁତ ହେଉଛି ଜିଆରପି ପୋଲିସ । ଯାହାକୁ ନେଇ ଫରେନସିକ ଲ୍ଯାବକୁ ଏନେଇ ସମୟ ନିର୍ଘଣ୍ଟ ପାଇଁ ଅନୁମତି ମଧ୍ୟ ମାଗିଛି ।