ଭୁବନେଶ୍ବର:ରାଜରାସ୍ତାରେ ଷ୍ଟାର ଓ୍ବାର ! ବିବାଦରେ ଓଲିଉଡ୍ ଅଭିନେତା ବାବୁଶାନ । ଚାରି କାନ୍ଥ ଭିତରେ ଥିବା ଷ୍ଟାର ଦମ୍ପତ୍ତିଙ୍କ କଳି ଏବେ ରାଜରାସ୍ତାକୁ ଆସିଛି । ଅଭିନେତ୍ରୀ ପ୍ରକୃତିଙ୍କ ସହ ବାବୁଶାନଙ୍କୁ ପିଟିଲେ ତାଙ୍କ ପତ୍ନୀ ତୃପ୍ତି । ସୋସିଆଲ ମିଡିଆରେ ଏଭଳି କିଛି ଭିଡିଓ ଭାଇରାଲ ହେବାରେ ଲାଗିଛି । ଭିଡିଓରେ ଦେଖିବାକୁ ମିଳିଛି ଯେ, ଭୁବନେଶ୍ଵର ଲକ୍ଷ୍ମୀସାଗର ବିଚ୍ ରାସ୍ତାରେ ପ୍ରକୃତିଙ୍କୁ ଦୁର୍ବ୍ୟବହାର କରିଛନ୍ତି ତୃପ୍ତି । ସର୍ବସମ୍ମୁଖରେ ତାଙ୍କ ଚୁଟି ଟାଣି ଗାଡିରୁ ଘୋଷାଡି ଆଣିବା ସହ ଠେଲାପେଲା କରିଥିଲେ ବାବୁଶାନଙ୍କ ।
ଅଭିନେତ୍ରୀ ପ୍ରକୃତିଙ୍କୁ ମାଡ ମାରିଲେ ଚକଲେଟ ବୟଙ୍କ ପତ୍ନୀ ! ଥାନାରେ ମାମଲା ଅଭିନେତ୍ରୀ ପ୍ରକୃତିଙ୍କୁ ମାଡ ମାରିଲେ ଚକଲେଟ ବୟଙ୍କ ପତ୍ନୀ ! ଥାନାରେ ମାମଲା ଏହାବି ପଢନ୍ତୁ:ରାସ୍ତା ଉପରେ ଷ୍ଟାର ୱାର, ପ୍ରକୃତି ମିଶ୍ରଙ୍କୁ ପିଟିଲେ ବାବୁଶାନଙ୍କ ପତ୍ନୀ
ଅଭିନେତ୍ରୀ ପ୍ରକୃତିଙ୍କୁ ମାଡ ମାରିଲେ ଚକଲେଟ ବଏଙ୍କ ପତ୍ନୀ! ଥାନାରେ ମାମଲା ଏନେଇ ପ୍ରକୃତିଙ୍କ ପରିବାର ଲୋକେ ଥାନାରେ ଦ୍ବାରସ୍ଥ ହୋଇଛନ୍ତି । ଖାରବେଳ ନଗର ଥାନାରେ ପ୍ରକୃତିଙ୍କ ମାଆ କୃଷ୍ଣପ୍ରିୟା ମିଶ୍ର ଅଭିଯୋଗ କରିଛନ୍ତି । ତାଙ୍କ ଝିଅ କାମକୁ ଯାଉଥିବା ବେଳେ କିଛି ଲୋକ ଆସି ତାଙ୍କ ଗାଡି ଅଟକାଇଥିଲେ । ପରେ ତାଙ୍କୁ ଆକ୍ରମଣ କରିଥିଲେ ବୋଲି ଅଭିଯୋଗ କରି ଏତଲା ଦେଇଛନ୍ତି ପ୍ରକୃତିଙ୍କ ବାପା ମା’ । ଏପଟେ ଘଟଣାରେ ତଦନ୍ତ ଆରମ୍ଭ ହୋଇଛି ବୋଲି କହିଛନ୍ତି ଭୁବନେଶ୍ବର ଡିସିପି ।
ସେପଟେ ଏ ଘଟଣାକୁ ଦୁର୍ଭାଗ୍ୟଜନକ କହିଛନ୍ତି ପ୍ରକୃତିଙ୍କ ବାପା ମନ୍ମଥ ମିଶ୍ର । ବାବୁଶାନଙ୍କ ସ୍ତ୍ରୀ ଯାହା କରିଛନ୍ତି ଏହା ଏକ କ୍ରାଇମ୍ । ପ୍ରକୃତି ଓ ବାବଶାନ ଉଭୟ ଭଲ ବନ୍ଧୁ ବୋଲି କହିଛନ୍ତି ମନ୍ମଥ । ସଭ୍ୟ ସମାଜରେ ଏଭଳି ହୁଏନି ବୋଲି ସେ କହିଛନ୍ତି । ଯଦି କିଛି ସମସ୍ୟା ଥିଲା ତେବେ ସେ ଥାନାକୁ ଯାଇ ପାରିଥାନ୍ତେ ବୋଲି ସେ କହିଛନ୍ତି । ସେପଟେ, ଆଗାମୀ ଫିଲ୍ମ ପ୍ରେମମ୍ର ପ୍ରମୋସନ ପାଇଁ ଆଜି ସକାଳୁ ସେ ପ୍ରକୃତିଙ୍କ ସହ ଚେନ୍ନାଇ ଯିବାର ଥିଲା । ସେଥିପାଇଁ ପ୍ରକୃତିଙ୍କୁ ନେଇ ବିମାନ ବନ୍ଦର ଅଭିମୁଖେ ଯାଉଥିଲେ ବାବୁଶାନ୍ । ହେଲେ ହଠାତ୍ ସ୍ତ୍ରୀ ସେଠାରେ ପହଞ୍ଚି ଅଚାନକ ହାଇଡ୍ରାମା କରିଥିବା କହିଛନ୍ତି ବାବୁଶାନ ।
ଏପଟେ ଘଟଣାରେ ପ୍ରତିକ୍ରିୟା ରଖିଛନ୍ତି ଡିସିପି ପ୍ରତୀକ ସିଂ । ସେ କହିଛନ୍ତି, ଏନେଇ ଏତଲା ଦାଏର ହେବା ପରେ ମାମଲା ରୁଜୁ ହୋଇଛି । ଆଇପିସି ଧାରା 341, 294, 323, 506 ଏବଂ 34 ଅଧିନରେ ମାମଲା ରୁଜୁ ହୋଇ ତଦନ୍ତ ଆରମ୍ଭ ହୋଇଛି ।
ଇଟିଭି ଭାରତ , ଭୁବନେଶ୍ବର
