ଭୁବନେଶ୍ବର:କୋରୋନା ମହାମାରୀ କାରଣରୁ ରାଜ୍ୟରେ ଶିକ୍ଷା କ୍ଷେତ୍ରର ବିଭିନ୍ନ ସମସ୍ୟା ଦେଖିବାକୁ ମିଳିଛି । ସେଲ୍ଫ ଫାଇନାନ୍ସ କୋର୍ସ ପଢୁଥିବା ଛାତ୍ରଛାତ୍ରୀଙ୍କୁ ହଷ୍ଟେଲ ମିଳିବା ପାଇଁ ଦାବି ହୋଇଥିବା ବେଳେ ଯୁକ୍ତ ତିନି ଛାତ୍ରଛାତ୍ରୀଙ୍କ ପାଠ୍ୟକ୍ରମ ହ୍ରାସ କରାଯିବା ପାଇଁ ଦାବି ହୋଇଛି ।
ଯୁକ୍ତ ତିନି ଛାତ୍ରଛାତ୍ରୀଙ୍କ ପାଠ୍ୟକ୍ରମ ହ୍ରାସ ପାଇଁ ABVPର ଦାବି
ରାଜ୍ୟରେ ଚଳିତ ବର୍ଷ ସେଲ୍ଫ ଫାଇନାନ୍ସ କୋର୍ସ ପଢ଼ିବାକୁ ଥିବା ଛାତ୍ରଛାତ୍ରୀଙ୍କୁ ହଷ୍ଟେଲ ନ ମିଳିବା ଓ +୩ ଛାତ୍ରଛାତ୍ରୀଙ୍କ ପାଠ୍ୟକ୍ରମକୁ ହ୍ରାସ କରିବାକୁ ନେଇ ଅଖିଳ ଭାରତୀୟ ବିଦ୍ୟା ପରିଷଦ ପକ୍ଷରୁ ଶିକ୍ଷା ସଚିବଙ୍କୁ ଭେଟି ଦାବିପତ୍ର ଦିଆଯାଇଛି । ଯୁକ୍ତ ତିନିରେ ଗୋଟିଏ ବର୍ଷରେ ୩ଟି ପରୀକ୍ଷା କରି ଛାତ୍ରଛାତ୍ରୀଙ୍କ ଭବିଷ୍ୟତ ସହ ଖେଳାଯାଉଛି । ଛାତ୍ରଛାତ୍ରୀଙ୍କ ପାଠ୍ୟକ୍ରମକୁ ସଂଶୋଧନ କରାଯାଇ ସିଲାବସକୁ ହ୍ରାସ କରାଯାଉ। ଯାହା ଫଳରେ ଛାତ୍ରଛାତ୍ରୀ ସଠିକ ଭାବରେ ପରୀକ୍ଷା ଦେଇପାରିବେ। ନଚେତ ଆଗାମୀ ବର୍ଷରେ ୩ଟି ପରୀକ୍ଷା ବୋଝ ଉପରେ ନଳିତା ବିଡା ସଦୃଶ୍ୟ ହେବ ।