ଭୁବନେଶ୍ବର: ଓଡିଶା ଗସ୍ତରେ ଆସିଛନ୍ତି ଆମ ଆଦମୀ ପାର୍ଟୀ ତଥା ଆପ ସାଂସଦ ସଞ୍ଜୟ ସିଂହ । ଆଜି ସେ ଦିଲ୍ଲୀରୁ ଭୁବନେଶ୍ବର ବିମାନ ଯାତ୍ରା କରିଥିଲେ। ଭୁବନେଶ୍ବର ବିମାନବନ୍ଦରରେ ଭିସ୍ତାରା ବିମାନ ଅବତରଣ କରିବା ସମୟରେ ଅଳ୍ପକେ ଏକ ଦୁର୍ଘଟଣାରୁ ବର୍ତ୍ତିଯାଇଥିବା ଟ୍ବିଟ କରିଛନ୍ତି ଆପ ସାଂସଦ ।
ବୁଧବାର ଆପ ସାଂସଦ ସଞ୍ଜୟ ସିଂହ ଦିଲ୍ଲୀରୁ ସକାଳ ୭ ଟା ସମୟରେ ଭିସ୍ତାରା ବିମାନରେ ଭୁବନେଶ୍ବର ଅଭିମୁଖେ ବାହାରିଥିଲେ । ସକାଳ ୯ ଟା ସମୟରେ ଭିସ୍ତାରା ବିମାନ ଭୁବନେଶ୍ବର ବିମାନବନ୍ଦରରେ ଅବତରଣ କରିବା ସମୟରେ ଯାତ୍ରୀମାନଙ୍କୁ ଥରାଇ ଦେଇଥିଲା ଏବଂ ଏକ ନିଶ୍ଚିତ ଦୁର୍ଘଟଣାକୁ ଏଡାଇ ଦେଇଥିଲା । ଦୟାକରି ଏ ଭଳି ପାଇଲଟଙ୍କଠାରୁ ଅନ୍ୟ କିଛି କାମ କରାନ୍ତୁ ନଚେତ୍ କିଛି ବଡ଼ ଅଘଟଣ ଘଟିପାରେ ବୋଲି ଭିସ୍ତାରା ପରିଚାଳନା ଏବଂ ବେସାମରିକ ବିମାନ ଚଳାଚଳ ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆଙ୍କୁ ଟ୍ବିଟ କରିଥିଲେ ସଞ୍ଜୟ ସିଂହ।