ଭୁବନେଶ୍ବର: ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ସମ୍ମୁଖରେ ଧାରଣାରେ ବସିଲେ ଶହଶହ ଆଦିବାସୀ ମହିଳା । ଶୁକ୍ରବାର ଏଭଳି କିଛି ଦୃଶ୍ୟ ରାଜଧାନୀର ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ଅଫିସ ସମ୍ମୁଖରେ ଦେଖିବାକୁ ମିଳିଥିଲା।
ରାଇସ୍ ମିଲ୍ ବନ୍ଦ ଦାବିରେ ଧାରଣାରେ ଆଦିବାସୀ ମହିଳା
ବାଲିଅନ୍ତା ବ୍ଲକ ଅନ୍ତର୍ଗତ ପାରି ବାସୁଦେଵପୁରରେ ଏକ ରାଇସ୍ ମିଲ୍ ରହିଛି । ଯାହାକୁ ବନ୍ଦ କରିବା ପାଇଁ ଶୁକ୍ରବାର ଗାଁ ର ଅନେକ ଅନୁସୂତିଚ ଆଦିବାସୀ ମହିଳା ଏକତ୍ରିତ ହୋଇ ରାଜଧାନୀର ରାଜ୍ୟ ପ୍ରଦୂଷଣ ନିୟନ୍ତ୍ରଣ ସମ୍ମୁଖରେ ଧାରଣାରେ ବସିଥିଲେ ।
ଗାଁ ଲୋକଙ୍କ କହିବା ମୁତାବକ, ସନ୍ତୋଷ ଅଗ୍ରୱାଲ ନାମକ ଜଣେ ବ୍ୟକ୍ତି ଏହି ମିଲ୍କୁ ଗାଁ ମଝିରେ ତିଆରି କରିଛନ୍ତି ଯାହା ଫଳରେ ଗାଁରେ ବସବାସ କରୁଥିବା ଲୋକେ ବହୁତ ସମସ୍ୟାର ସମ୍ମୁଖିନ ହେଉଛନ୍ତି ।