ଭୁବନେଶ୍ବର: ରାଜଭବନ ପେଟ୍ରୋଲ ପମ୍ପରେ ଅଗ୍ନିକାଣ୍ଡକୁ ନେଇ କ୍ୟାପିଟାଲ ଥାନାରେ ମାମଲା ରୁଜୁ କରିଛି କମିଶନରେଟ ପୋଲିସ । ଏପଟେ ଯେଉଁମାନଙ୍କର ବିସ୍ଫୋରଣରେ ଗାଡି ଭାଙ୍ଗିଯାଇଛି, ସେହିମାନେ ବି ଥାନାରେ ମାମଲା ରୁଜୁ କରିଛନ୍ତି ।
ରାଜଭବନ ପେଟ୍ରୋଲ ପମ୍ପ ଅଗ୍ନିକାଣ୍ଡକୁ ନେଇ ଥାନାରେ ମାମଲା
ପେଟ୍ରୋଲ ପମ୍ପ ଅଗ୍ନିକାଣ୍ଡକୁ ନେଇ କ୍ୟାପିଟାଲ ଥାନାରେ ମକଦ୍ଦମା ରୁଜୁ କରାଯାଇଛି । କେସ ନମ୍ବର 401, ସେକ୍ସନ 285, 286 337, 338 ଧାରା ଲଗିଛି । ଏହାକୁ ନେଇ ତଦନ୍ତ ଆରମ୍ଭ ହୋଇଛି । ପେଟ୍ରୋଲ ପମ୍ପରେ ବୁଧବାର 4 ଜଣ କାମ କରୁଥିଲେ । ଏହି ଅଗ୍ନିକାଣ୍ଡରେ ଜଣଙ୍କର ମୃତ୍ୟୁ ଘଟିଥିବାବେଳେ ଜଣେ ଗୁରୁତର ଆହତ ହୋଇଛନ୍ତି । ଅନ୍ୟ ଜଣେ ନିଖୋଜ ରହିଥିବାବେଳେ ଆଉ ଜଣେ ସୁସ୍ଥ ରହିଛନ୍ତି ।