ଭୁବନେଶ୍ବର: ରବିବାରଠାରୁ ଆସନ୍ତା 14 ତାରିଖ ପର୍ଯ୍ୟନ୍ତ ଦେଶରେ ଟିକା ଉତ୍ସବ ଆରମ୍ଭ ହୋଇଥିବା ବେଳେ ରାଜ୍ୟରେ ଦେଖାଦେଇଛି ଟିକାର ଅଭାବ । ଏଥିଲାଗି ରାଜ୍ୟରେ ପ୍ରାୟ 700ଟି ଟୀକାକରଣ କେନ୍ଦ୍ରକୁ ବନ୍ଦ କରାଯାଇଛି । ଅନ୍ୟପଟେ ସୋମବାର ରାଜ୍ୟକୁ 2 ଲକ୍ଷ 71 ହଜାର କୋଭିସିଲ୍ଡ ଟିକା ଆସିବ ବୋଲି ଜଣାପଡିଛି ।
ରାଜ୍ୟରେ ଟିକାର ଅଭାବ, 700 ଟୀକାକରଣ କେନ୍ଦ୍ର ବନ୍ଦ
ରାଜ୍ୟରେ ଏହି ସମସ୍ତ ଟୀକାକରଣ କେନ୍ଦ୍ରକୁ ବନ୍ଦ କରାଯାଇଛି ବୋଲି ପରିବାର କଲ୍ୟାଣ ନିର୍ଦ୍ଦେଶକ ବିଜୟ ପାଣିଗ୍ରାହୀ ସୂଚନା ଦେଇଛନ୍ତି । ଏହାସହିତ ରାଜ୍ୟରେ ଆଜି(ସୋମବାର) 2 ଲକ୍ଷ 71 ହଜାର କୋଭିସିଲ୍ଡ ଟିକା ପହଞ୍ଚିବ । ରାଜ୍ୟରେ 775ଟି ଟିକା କେନ୍ଦ୍ର ବର୍ତ୍ତମାନ କାର୍ଯ୍ୟକ୍ଷମ ରହିଥିବା ବେଳେ 1 ଲକ୍ଷ 59 ହଜାର କୋଭିସିଲ୍ଡ ଟିକା ରାଜ୍ୟରେ ରହିଛି । ଏହାସହିତ କୋଭାସ୍କିନ 71 ହଜାର ଡୋଜ ରହିଛି ।