ଭୁବନେଶ୍ବର: ଇନଫୋସିଟି ନାବାଳିକା ଗଣଦୁଷ୍କର୍ମ ମାମଲାର ଅଭିଯୁକ୍ତଙ୍କୁ ମିଳିଲାନି ଜାମିନ । ଖୋର୍ଦ୍ଧା ପୋକ୍ସୋ କୋର୍ଟ ସମସ୍ତ 4 ଅଭିଯୁକ୍ତଙ୍କ ଜାମିନ କଲେ ଖାରଜ । ଜାମିନ ଖାରଜ ପରେ ଅଭିଯୁକ୍ତଙ୍କୁ ବିଚାର ବିଭାଗୀୟ ହେପାଜତରେ ରଖାଯାଇଛି ।
ଭୁବନେଶ୍ବର ନାବାଳିକା ଗଣଦୁଷ୍କର୍ମ ମାମଲା: ସମସ୍ତ ଅଭିଯୁକ୍ତଙ୍କ ଜାମିନ ଖାରଜ
ଆଜି(ଶୁକ୍ରବାର) ଭୁବନେଶ୍ବର ଇନଫୋସିଟି ନାବାଳିକା ଗଣଦୁଷ୍କର୍ମ ମାମଲାର ଶୁଣାଣି ହୋଇଛି । ଖୋର୍ଦ୍ଧା ପୋକ୍ସୋ ଅଦାଲତରେ ଏହି ମାମଲାର ଶୁଣାଣି କରି ଅଦାଲତ ସମସ୍ତ 4 ଅଭିଯୁକ୍ତଙ୍କ ଜାମିନ ଖାରଜ କରିଛନ୍ତି । ଉପଯୁକ୍ତ ପ୍ରମାଣ ତଥା ତଥ୍ୟକୁ ଭିତ୍ତିକରି ଜାମିନ ଖାରଜ କରାଯାଇଥିବା ସୂଚନା ମିଳିଛି । ଶୁଣାଣି ସମୟରେ ନାବାଳିକାଙ୍କ ଜୀବନ ପ୍ରତି ବିପଦ ଏବଂ ଅଭିଯୁକ୍ତଙ୍କୁ ଜାମିନ ଦିଆଗଲେ ମାମଲା ପ୍ରଭାବିତ ହେବା ଆଶଙ୍କା ନେଇ ଯୁକ୍ତି ବାଢିଥିଲେ ଅଭିଯୋଗକାରିଣୀଙ୍କ ଓକିଲ ସୀତାଂଶୁ ଦ୍ବିବେଦୀ । ସୀତାଂଶୁଙ୍କ ପକ୍ଷରୁ ଦୀର୍ଘ ଦୁଇଘଣ୍ଟା ଯୁକ୍ତି ସ୍ଥାପନ ହେବାପରେ ଆଦାଲତ ରାୟ ସଂରକ୍ଷିତ ରଖିଥିଲେ । ଏହାପରେ ଶୁଣାଣି କରି 4 ଅଭିଯୁକ୍ତଙ୍କ ଜାମିନ ଖାରଜ କରିଥିଲେ କୋର୍ଟ ।