ତୃତୀୟ ଲହର ଏବେ କାଳ୍ପନିକ: ଡିଏମଇଟି

ଯେଉଁଠାରେ ଅଧିକ ପଜିଟିଭ ଆସୁଛି, ସେହିଠାରେ ଅଧିକ ଫୋକସ କରାଯାଉଛି। ତୃତୀୟ ଲହର ହୋଇନାହିଁ କେବଳ ଏହା ଏକ କାଳ୍ପନିକ ଭାବରେ ରହିଛି। ଏହା ଆସିବ କି ନାହିଁ କହିହେବ ନାହିଁ ବୋଲି ଡିଏମଇଟି ସିବିକେ ମହାନ୍ତି କହିଛନ୍ତି । ଅଧିକ ପଢନ୍ତୁ...

ଭୁବନେଶ୍ବର: ରାଜ୍ୟରେ କମୁନାହିଁ ସଂକ୍ରମଣ ହେଲେ ଏପଟେ ମୃତ୍ୟୁ ସଂଖ୍ୟାରେ ରୋକ ଲାଗିପାରୁ ନାହିଁ । ଏନେଇ ଡ଼ିଏମଇଟି ସିବିକେ ମହାନ୍ତି କହିଛନ୍ତି ଯେ, ଟିପିଆର ଅନୁସାରେ ସଂକ୍ରମଣ ବଢି଼ନାହିଁ । ତୃତୀୟ ଲହର ଏକ କାଳ୍ପନିକ ଭାବରେ ରହିଛି ।

ଯେଉଁଠାରେ ଅଧିକ ପଜିଟିଭ ଆସୁଛି, ସେହିଠାରେ ଅଧିକ ଫୋକସ କରାଯାଉଛି। ତୃତୀୟ ଲହର ହୋଇନାହିଁ କେବଳ ଏହା ଏକ କାଳ୍ପନିକ ଭାବରେ ରହିଛି। ଏହା ଆସିବ କି ନାହିଁ କହିହେବ ନାହିଁ । ସରକାର ଯେଉଁ 3 ମାସ ଘର ଘର ବୁଲି ସର୍ଭିଲାନ୍ସ ପାଇଁ ନିର୍ଦ୍ଦେଶ ଦେଇଛନ୍ତି ତାହା ଏବେ ଚାଲୁ ରହିଛି। ଏହା ମଧ୍ୟରେ ଯେତିକି ପଜିଟିଭ ବାହାରୁଛନ୍ତି ତାଙ୍କୁ ଆଇସୋଲେସନରେ ରଖାଯାଉଛି ।

କିନ୍ତୁ, ରାଜ୍ୟରେ ଦୁଇ ହଜାର ତଳକୁ ଖସୁନାହିଁ ଦୈନିକ ସଂକ୍ରମଣ। ଆଜି ରାଜ୍ୟରେ ଟିପିଆର 3.57% ରହିଥିବାବେଳେ 7.5%ରେ ରହିଛି କଟକ ଏବଂ ଯାଜପୁର ଜିଲ୍ଲା । ଅନ୍ୟପଟେ 5ରୁ 7.5%ରେ ରହିଛି ଭଦ୍ରକ ଏବଂ ନୟାଗଡ ଜିଲ୍ଲା । ଅନ୍ୟପଟେ ବାକି ଜିଲ୍ଲା ଗୁଡିକରେ 0 ରୁ 5 % ଟିପିଆର ରହିଛି । ତେବେ ଆଜି ରାଜ୍ୟରେ 2 ହଜାର 806 ଜଣ ସଂକ୍ରମଣ ଚିହ୍ନଟ ହୋଇଥିବା ବେଳେ 61 ଜଣ ମୃତ୍ୟୁବରଣ କରିଛନ୍ତି।

ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ