ଭୁବନେଶ୍ୱର: ରାଜଧାନୀରେ କାୟା ବିସ୍ତାର କରୁଛି କୋରୋନା ମହାମାରୀ। ଶୁକ୍ରବାର ପୁଣି ଏଠାରେ 324 କୋରୋନା ଆକ୍ରାନ୍ତ ଚିହ୍ନଟ ହୋଇଥିବା ବିଏମସି ପକ୍ଷରୁ କୁହାଯାଇଛି ।
ଶୁକ୍ରବାର ଚିହ୍ନଟ ଆକ୍ରାନ୍ତଙ୍କ ମଧ୍ୟରୁ ହୋମ କ୍ବାରେଣ୍ଟାଇନ କେନ୍ଦ୍ରରୁ 174 ରହିଥିବା ବେଳେ ସ୍ଥାନୀୟ ସଂକ୍ରମଣ 151 ରହିଛନ୍ତି । କ୍ଵାରେଣ୍ଟାଇନ କେନ୍ଦ୍ରରୁ 173 ଜଣ ଚିନ୍ହଟ ହୋଇଥିବା ବେଳେ 4 ଜଣଙ୍କର ଟ୍ରାଭେଲ ହିଷ୍ଟ୍ରି ରହିଛି। ସେହିପରି 108 ଜଣ ସୁସ୍ଥ ହୋଇଛନ୍ତି।
ତେବେ କ୍ଵାରେଣ୍ଟାଇନ କେନ୍ଦ୍ରରୁ ଚିହ୍ନଟ 173 ଜଣଙ୍କ ମଧ୍ୟରୁ ରାଜମହଲ ଛକ ନିକଟରୁ 9 ଜଣ, ନୀଳାଦ୍ରି ବିହାରରୁ 8 ଜଣ, 4 ଜଣ ପଥରବନ୍ଧ, 6 ଜଣ ସ୍ୱାସ୍ଥ୍ୟ ବିଭାଗର କର୍ମଚାରୀ, 6 ଜଣ ରେଳ କର୍ମଚାରୀ, 5 ଜଣ ନୟାପଲ୍ଲୀ, 4 ଜଣ ସୁଖ ବିହାର, 8 ଜଣ ଟ୍ରାଫିକ କର୍ମଚାରୀ, 6 ଜଣ ଶିଖରଚଣ୍ଡୀ, 4 ଜଣ ରିଜର୍ଭ ପୋଲିସ କର୍ମଚାରୀ, 3 ଜଣ ଲକ୍ଷ୍ମୀ ସାଗର, 3 ଜଣ ଖଣ୍ଡଗିରି, 5 ଜଣ ପାତ୍ରପଡା, 3 ଜଣ ପୋଖରୀପୁଟ, 4 ଜଣ ସହିଦ ନଗରର ରହିଛନ୍ତି ।