ଭୁବନେଶ୍ବର: ସ୍ବାୟତ୍ତ ଶାସନ ଦିବସ ଉପଲକ୍ଷେ ରାଜଧାନୀ ବାସିନ୍ଦାଙ୍କୁ ବିଏମସିର ସ୍ବତନ୍ତ୍ର ଗିଫ୍ଟ । ସ୍ବାୟତ୍ତ ଶାସନ ଦିବସରେ ବିଏମସି ପକ୍ଷରୁ ଲୋକାର୍ପିତ ହେବ ସ୍ବତନ୍ତ୍ର ପ୍ରକଳ୍ପ । ଏହା ପୁଣି ରାଜ୍ୟ ସରକାରଙ୍କ ପ୍ରଣୀତ ‘5T’ରେ ଆଧାରିତ । ତେବେ ରାଜ୍ୟ ସରକାରଙ୍କ ତରଫରୁ ମୋଟ୍ 221ଟି ପ୍ରକଳ୍ପ ଉଦଘାଟନ ଓ ଭିତ୍ତି ପ୍ରସ୍ତର ସ୍ଥାପନା ହେବ । ଯେଉଁଥିପାଇଁ ଖର୍ଚ୍ଚ ହେବ ପ୍ରାୟ 50 କୋଟି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ସ୍ମାର୍ଟସିଟିବାସୀଙ୍କୁ ହାତପାଆନ୍ତାରେ ସମସ୍ତ ସୁବିଧା ପ୍ରଦାନ ପାଇଁ ବିଏମସିର ଏହି ସ୍ବତନ୍ତ୍ର ପ୍ରକଳ୍ପ । ଭୁବନେଶ୍ବରର ସମସ୍ତ 67ଟି ୱାର୍ଡରେ ବିଏମସି ପକ୍ଷରୁ ୱାର୍ଡ କାର୍ଯ୍ୟାଳୟ ପ୍ରତିଷ୍ଠା ହେବ । ଯାହାକୁ ଉଦଘାଟନ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହି ୱାର୍ଡ କାର୍ଯ୍ୟାଳୟ ଦ୍ବାରା ଲାଭବାନ ହେବେ ଲୋକେ ।