ଭୁବନେଶ୍ବର: ରାଜଧାନୀରେ ପୁଣି ଦୁବୃର୍ତ୍ତଙ୍କ ଆତଙ୍କ ରାଜ । ମେଡିସିନ ଦୋକାନରେ ଦୁବୃର୍ତ୍ତ ମଚାଇଲେ ଆତଙ୍କର ଭୟ। ରାତି ଅଧରେ ମେଡିସିନ ଦୋକାନ ଉପରକୁ କଲେ ମରଣାନ୍ତକ ଆକ୍ରମଣ। ଦୋକାନୀକୁ ରକ୍ତାକ୍ତ କରି ଫେରାର ହେଲେ ଦୁର୍ବୃତ୍ତ । ଏମିତି ଘଟଣା ଦେଖିବାକୁ ମିଳୁଛି ରାଜଧାନୀର ଖଣ୍ଡଗିରି ଥାନା ଅଞ୍ଚଳରେ।
କମିସନରେଟ ପୋଲିସକୁ ନାଲି ଆଖି,ମେଡିସିନି ଦୋକାନରେ ଦୁବୃର୍ତ୍ତଙ୍କ ଗୁଣ୍ଡାଗିରି
ଏମସ ରୋଡରେ ଥିବା ଦୀପକ ମେଡିସିନ ଦୋକାନ ଉପରକୁ ଆକ୍ରମଣ କରାଯାଇଛି। ଦୁଇଜଣ ଦୁର୍ବୃତ୍ତ ଆସି ରାତିରେ ମେଡିସିନ ମାଗିଥିଲେ । ପରେ ଦୋକାନୀ ଜଣକ ମେଡିସିନ ଷ୍ଟୋରର କବାଟ ନଖୋଲି ମେଡିସିନ ଦେବାକୁ ଉଦ୍ୟମ କରିଥିଲେ।
ହେଲେ ଦୁର୍ବୃତ୍ତ ଦୁଇଜଣ କବାଟ ଖୋଲି ଔଷଧ ଦେବାକୁ କହିଥିଲେ। ହେଲେ ଦୋକାନୀ ମନା କରିବାରୁ ସେମାନେ ଦୋକାନର କାଚ କବାଟକୁ ଠେଲି ଭାଙ୍ଗି ଦେଇଥିଲେ। ଫଳରେ କାଚ ପଡି ଦୋକାନୀ ଜଣକ ଗୁରୁତର ଆହତ ହୋଇଥିଲେ। ରକ୍ତାକ୍ତ ଅବସ୍ଥାରେ ତାଙ୍କୁ ଏମସରେ ଭର୍ତ୍ତି କରାଯାଇଛି ।