ଭୁବନେଶ୍ବର: ରାଜ୍ୟରେ କ୍ରମାଗତ କୋରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଥିବା ବେଳେ ଏହା ମଧ୍ୟରେ ଏକ ଆଶ୍ବସ୍ତିକର ଖବର ସାମ୍ନାକୁ ଆସିଛି । ରାଜ୍ୟରେ ସର୍ବାଧିକ 178 ଜଣ ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଛନ୍ତି । ଏହାକୁ ମିଶାଇ ରାଜ୍ୟରେ ବର୍ତ୍ତମାନ ସୁଦ୍ଧା 1894 ଜଣ ଆକ୍ରାନ୍ତ ସୁସ୍ଥ ହୋଇଛନ୍ତି ।
ତେବେ ଖୋର୍ଦ୍ଧାରେ ସର୍ବାଧିକ 39 ଜଣ ସୁସ୍ଥ ହୋଇଥିବା ବେଳେ ଗଜପତିରେ 23, ନୂଆପଡାରେ 22, ଭଦ୍ରକରେ 17, ନୟାଗଡରେ 15, ଗଞ୍ଜାମରେ 14, କେନ୍ଦ୍ରାପଡା ରେ 10 ଢେଙ୍କାନାଳରେ 9, କନ୍ଧମାଳ 9, ସୁନ୍ଦରଗଡରେ 6, ବାଲେଶ୍ୱରରେ 4, କଟକ ବଲାଙ୍ଗୀର ଓ ମାଲକାନଗିରିରେ 2 ଜଣ ସୁସ୍ଥ ହୋଇଥିବା ବେଳେ ଜଗତସିଂହପୁର, ଝାରସୁଗୁଡା, ନବରଙ୍ଗପୁର ଓ ପୁରୀରେ ଜଣେ ଲେଖାଏଁ ଆକ୍ରାନ୍ତ ସୁସ୍ଥ ହୋଇଛନ୍ତି।