ଭୁବନେଶ୍ବର: ରାଜ୍ୟରେ କୋରୋନା ଲହରୀ ଜାରି ରହିଛି । ଗତ 24 ଘଣ୍ଟାରେ ପୁଣି 1434 ନୂଆ ସଂକ୍ରମିତ ହୋଇଛନ୍ତି । ଫଳରେ ମୋଟ ସଂକ୍ରମିତ ସଂଖ୍ଯା 301574 ରେ ପହଞ୍ଚିଛି । ଏନେଇ ରାଜ୍ୟ ସୂଚନା ଓ ଲୋକସମ୍ପର୍କ ବିଭାଗ ପକ୍ଷରୁ ସୂଚନା ଦିଆଯାଇଛି ।
ଆଜି ଚିହ୍ନଟ ହୋଇଥିବା ସଂକ୍ରମିତଙ୍କ ମଧ୍ୟରୁ କ୍ବାରେଣ୍ଟାଇନ ସେଣ୍ଟରରୁ 833 ଜଣ ବାହାରିଛନ୍ତି । 601 ଜଣ ସ୍ଥାନୀୟ ସଂକ୍ରମଣର ଶିକାର ହୋଇଛନ୍ତି । ଆଜି ମଧ୍ୟ ଖୋର୍ଦ୍ଧାରୁ ସର୍ବାଧିକ 144 ଜଣ ଆକ୍ରାନ୍ତ ହୋଇଛନ୍ତି ।
ସେହିଭଳି କଟକରୁ 141, ଅନୁଗୋଳରେ 90, ବାଲେଶ୍ବରରେ 99, ବରଗଡରେ 65, ଭଦ୍ରକରେ 31, ବଲାଙ୍ଗୀରରେ 66, ବୌଦ୍ଧରେ 6, ଢେଙ୍କାନାଳରେ 21, ଗଞ୍ଜାମରେ 17, ଗଜପତିରେ 6, ଦେବଗଡରୁ 6 ଜଣ କୋରୋନା ପଜିଟିଭି ରିପୋର୍ଟ ହୋଇଛି । ଆକ୍ରାନ୍ତଙ୍କ ମଧ୍ୟରୁ 68 ଜଣ ଜଗତସିଂହପୁର, 33 ଜଣ ଯାଜପୁର, 31 ଝାରସୁଗୁଡା, 35 କଳାହାଣ୍ଡି, 12 କନ୍ଧମାଳ, 54 କେନ୍ଦ୍ରାପଡା, 50 କେନ୍ଦୁଝର, 25 କୋରାପୁଟରୁ ରହିଛନ୍ତି।