ଭୁବନେଶ୍ବର: ରାଜ୍ୟରେ କୋରୋନା ନେଲା ପୁଣି ଜୀବନ । କୋରୋନା ସଂକ୍ରମଣ କମୁଥିବାବେଳେ କୋରୋନାରେ ମୃତ୍ୟୁ ସଂଖ୍ୟା କିନ୍ତୁ ବଢିବାରେ ଲାଗିଛି । ଗୋଟିଏ ଦିନକରେ ଆଉ 14 କୋରୋନା ଆକ୍ରାନ୍ତଙ୍କର ମୃତ୍ୟୁ ପରେ ମୋଟ ମୃତ୍ୟୁ ସଂଖ୍ୟା 1483ରେ ପହଞ୍ଚିଛି । ଏନେଇ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଟ୍ବିଟ ଯୋଗେ ସୂଚନା ଦିଆଯାଇଛି ।
ତେବେ ମୃତକଙ୍କ ମଧ୍ୟରେ ବରଗଡ଼ରୁ 48 ବର୍ଷର ପୁରୁଷଙ୍କର ମୃତ୍ୟୁ ଘଟିଥିବାବେଳେ ବାଲେଶ୍ବରରୁ 68 ବର୍ଷର ପୁରୁଷ, ଭୁବନେଶ୍ବରରୁ 62 ବର୍ଷର ପୁରୁଷ ଓ 86 ବର୍ଷର ପୁରୁଷଙ୍କ ମୃତ୍ୟୁ ଘଟିଛି । ସେହିପରି କଟକରୁ 79 ବର୍ଷର ପୁରୁଷ, କଳାହାଣ୍ଡିରୁ 67 ବର୍ଷର ପୁରୁଷ, କେନ୍ଦ୍ରାପଡ଼ାରୁ 61 ବର୍ଷର ପୁରୁଷ, ଖୋର୍ଦ୍ଧାରୁ 56 ବର୍ଷର ପୁରୁଷ, ମୟୂରଭଞ୍ଜରୁ 65 ବର୍ଷର ପୁରୁଷ, ନୂଆପଡ଼ାରୁ 95 ବର୍ଷ ଏବଂ 65 ବର୍ଷର ପୁରୁଷ, ସମ୍ବଲପୁରରୁ 58 ବର୍ଷର ପୁରୁଷ, ସୁନ୍ଦରଗଡ଼ରୁ 83 ବର୍ଷ ଏବଂ 62 ବର୍ଷର ପୁରୁଷଙ୍କ ମୃତ୍ୟୁ ଘଟିଛି ।