ବିଜେପିରେ ମିଶିଲେ ଭବାନୀପାଟଣାର ସ୍ବାଧୀନ ଭାବେ ନିର୍ବାଚିତ 13 ସମିତି ସଭ୍ୟ

ବିଜେପିରେ ଯୋଗ ଦେଲେ କଳାହାଣ୍ଡି ଭବାନୀପାଟଣା ବ୍ଲକର ସ୍ୱାଧୀନ ଭାବରେ ନିର୍ବାଚିତ 13 ସମିତି ସଭ୍ୟ । ଅଧିକ ପଢନ୍ତୁ

ଭୁବନେଶ୍ବର: କଳାହାଣ୍ଡି ଜିଲ୍ଲା ଭବାନୀପାଟଣା ବ୍ଲକର ସ୍ୱାଧୀନ ଭାବରେ ନିର୍ବାଚିତ 13 ଜଣ ସମିତି ସଭ୍ୟ ବିଜେପିରେ ଯୋଗ ଦେଇଛନ୍ତି । ରାଜ୍ୟ ବିଜେପି କାର୍ଯ୍ୟାଳୟରେ ଆୟୋଜିତ ଏକ ମିଶ୍ରଣ ପର୍ବରେ ନିର୍ବାଚିତ ସମିତି ସଭ୍ୟମାନେ ଯୋଗ ଦେଇଥିବା ଜଣାପଡିଛି ।

ବିଜେପି ସାଧାରଣ ସମ୍ପାଦକ ଗୋଲକ ମହାପାତ୍ରଙ୍କ ନେତୃତ୍ୱରେ ଏହି ମିଶ୍ରଣ ପର୍ବ ଅନୁଷ୍ଠିତ ହୋଇଥିଲା । ଭବାନୀପାଟଣା ବ୍ଲକ୍ ଚେୟାରମ୍ୟାନ ଗଠନ ପାଇଁ 36 ଟି ଆସନରୁ 26 ଟି ଆସନ ସହ ବ୍ଲକ ଚେୟାରମ୍ୟାନ ଭାବେ ମନୋନୀତ ହୋଇଛନ୍ତି । ତେବେ ଆଜିର ମିଶ୍ରଣ ପର୍ବରେ ସ୍ୱାଧୀନ ଭାବେ ନିର୍ବାଚିତ ହୋଇଥିବା 13 ଜଣ ବିଜେପିରେ ଯୋଗ ଦେଇଛନ୍ତି । ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ