ଭଦ୍ରକ:ଅଧାରେ ରହିଗଲା ଜଗା ଦର୍ଶନ । ବାଟରେ ଜଗିଥିଲା ଯମ । ଚାହୁଁ ଚାହୁଁ ଲିଭିଗଲା ୨ ଜୀବନ ଦୀପ । ଡମ୍ପର ସହ କାର୍ ମୁହାଁମୁହିଁ ଧକ୍କା ହେବାପରେ ଦୁର୍ଘଟଣାରେ ଚାଲିଗଲା ୨ ଜୀବନ । ଭଦ୍ରକ ବିଷ୍ଣୁପୁର ଛକ ନିକଟରେ ଘଟିଛି ଏପରି ଛାତିଥରା ଦୁର୍ଘଟଣା । ସୂଚନା ଅନୁଯାୟୀ, ପଶ୍ଚିମବଙ୍ଗରୁ 4 ଜଣ ସଦସ୍ୟ ଏକ କାର ଯୋଗେ ପୁରୀ ଅଭିମୁଖେ ବାହାରିଥିଲେ ।
ଅଧୁରା ରହିଗଲା ଜଗା ଦର୍ଶନ: ପୁରୀ ଯିବା ବେଳେ ଦୁର୍ଘଟଣା,ଚାଲିଗଲା ୨ ଜୀବନ
ଭଦ୍ରକ ଜିଲ୍ଲା ଦେଇ ଯାଇଥିବା 16 ନମ୍ବର ଜାତୀୟ ରାଜପଥର ବିଷ୍ଣୁପୁର ଛକ ନିକଟରେ ଏକ ଡମ୍ଫର ସହ କାର୍ର ମୁହାଁମୁହିଁ ଧକ୍କା ହୋଇଥିଲା । ପରେ ୪ଜଣ ଗୁରୁତର ହୋଇପଡିଥିଲେ । ସ୍ଥାନୀୟ ଲୋକ ସେମାନଙ୍କୁ ଉଦ୍ଧାର କରି ଭଦ୍ରକ ମେଡିକାଲରେ ଭର୍ତ୍ତି କରିଥିଲେ କିନ୍ତୁ ମେଡିକାଲରେ ଦୁଇ ଜଣଙ୍କର ମୃତ୍ୟୁ ହୋଇଥିବାବେଳେ ଅନ୍ୟ ଦୁଇ ଜଣଙ୍କ ଚିକିତ୍ସା ଜାରି ରହିଛି ।