ଭଦ୍ରକ: ଜିଲ୍ଲାର ଅଧିଷ୍ଠାତ୍ରୀ ଦେବୀ ଦେବୀ ମା' ଭଦ୍ରକାଳୀ । ଭକ୍ତଙ୍କୁ ସପ୍ତମାତୃକା ବେଶରେ ଦର୍ଶନ ଦେଇଥାନ୍ତି ମା' । ବିଶ୍ଵମାତା ରୂପରେ ଭକ୍ତଙ୍କୁ ଦର୍ଶନ ଦିଅନ୍ତି ମା' ଭଦ୍ରକାଳୀ । ଜଗତ କଲ୍ୟାଣ ପାଇଁ କାଳୀପୂଜା ଠାରୁ ସାତଦିନ ଧରି ମା'ଙ୍କୁ ବିଭିନ୍ନ ବେଶରେ ପୂଜା କରାଯାଏ । ଆଜି ମା' ସିଂହବାହିନୀ ବେଶରେ ଭକ୍ତଙ୍କୁ ଦର୍ଶନ ଦେଇଛନ୍ତି ।
ସିଂହବାହିନୀ ବେଶରେ ଝଟକିଲେ ମା' ଭଦ୍ରକାଳୀ
ପୂଜାର ସାତ ଦିନ ପର୍ଯ୍ୟନ୍ତ ଭିନ୍ନ ଭିନ୍ନ ବେଶରେ ମା' ଦର୍ଶନ ଦିଅନ୍ତି । ଆଜି ଚତୁର୍ଥ ଦିନରେ (ରବିବାର) ମା' ସିଂହବାହିନୀ ବେଶରେ ପୂଜା ପାଉଛନ୍ତି । ଏହି ଅବସରରେ ମା'ଙ୍କ ସ୍ଵତନ୍ତ୍ର ପୂଜାର୍ଚ୍ଚନା କରାଯିବା ସହ ଚଣ୍ଡୀପାଠ ଅନୁଷ୍ଠିତ ହୋଇଛି । କୋରୋନା କଟକଣା ଯୋଗୁଁ ଏଥର ମା'ଙ୍କ ପୂଜା ଫିକା ପଡିଛି । ହେଲେ ପରମ୍ପରା ବଜାୟ ରହିଛି । ବିଧି ଅନୁଯାୟୀ ମା'ଙ୍କ ପୂଜା ଅନୁଷ୍ଠିତ ହେଉଛି । ମା' ତାଙ୍କ ବାହନ ସିଂହ ଉପରେ ନାଲିପାଟ ବସ୍ତ୍ର ପରିଧାନ କରି ସ୍ବର୍ଣ୍ଣ ଓ ରୌପ୍ୟ ଅଳଙ୍କାରରେ ଭୂଷିତ ହୋଇ ଭକ୍ତଙ୍କୁ ଦର୍ଶନ ଦେଇଛନ୍ତି ।