ଭଦ୍ରକ: ଆଜି ଧରାପୃଷ୍ଠରୁ ମେଲାଣି ନେଲେ ମା' ଜଗତ ଜନନୀ ଦୁର୍ଗତି ନାଶିନୀ । ଆଉ କୋଭିଡ କଟକଣା ମଧ୍ୟରେ ଭକ୍ତଶୂନ୍ୟ ମଣ୍ଡପରେ ରୀତିନୀତି ଅନୁଯାୟୀ ପୂଜା ପାଇବା ପରେ ଭସାଣି ଉତ୍ସବ ଅନୁଷ୍ଠିତ ହୋଇଛି । ତେବେ ସହରାଞ୍ଚଳର ଶହେ ବର୍ଷର ପୁରାତନ ମଣ୍ଡପ ଜାନୁଗଞ୍ଜ ଦୁର୍ଗା ମେଢ ଭସାଣି କୋଭିଡ ନିୟମ ଅନୁସାରେ ସାଳନ୍ଦୀ ନଦୀରେ ବିସର୍ଜନ କରାଯାଇଛି ।
ମହା ଆଡମ୍ବରରେ ଭଦ୍ରକରୁ ମା’ ନେଲେ ମେଲାଣୀ
ଏଥିସହ 300 ବର୍ଷ ପୁରାତନ ଶକ୍ତି ପୀଠ ମା' ବଙ୍କବାସୁଳୀ ପୀଠର ମୃଣ୍ମୟୀ ମୂର୍ତ୍ତି ସହ ସହରର ଗାନ୍ଧୀ ପଡିଆ, ବାଇପାସ, ସନ୍ଥିଆ, ଡଗରାସାହି, ଚରମ୍ପା ଆଦି 23 ଗୋଟି ପ୍ରମୁଖ ମଣ୍ଡପର ମୃଣ୍ମୟୀ ଗୁଡିକ ବିସର୍ଜନ କରିବା ପାଇଁ ଭଦ୍ରକ ପୌରପାଳିକା ପକ୍ଷରୁ ଏକ ସ୍ବତନ୍ତ୍ର ଭାବେ ଏକ ଅସ୍ଥାୟୀ ପୋଖରୀ ଖୋଳାଯାଇଛି । ସେହିପରି ଜିଲ୍ଲାର 30 ଗୋଟି ସ୍ଥାନରେ ନିରାଡମ୍ବର ଭାବେ ଆଜି ଭସାଣି ଉତ୍ସବ ଅନୁଷ୍ଠିତ ହୋଇଥିବା ଜଣାପଡିଛି ।