ଭଦ୍ରକ: ଦେଶ ସ୍ଵାଧୀନ କରିବା ପାଇଁ ନିଜ ଜୀବନକୁ ଉତ୍ସର୍ଗ କରିଥିଲେ । ଦିନରାତି ଏକ୍ କରି ଇଂରେଜ ଶାସନକୁ ଗାଦିଚ୍ୟୁତ କରି କରିଥିଲେ । ସେଥିପାଇଁ ଆଜି ଅଗଷ୍ଟ 9 କ୍ରାନ୍ତି ଦିବସରେ ଭଦ୍ରକ ଜିଲ୍ଲା ଧାମନଗର ବ୍ଲକ ର ରାମହରୀ ଗୋସ୍ଵାମୀ, ଗୌରୀଶ୍ୟାମ ଗୋସ୍ଵାମୀ ଓ ବ୍ରଜକିଶୋର ରାଉତଙ୍କୁ ସମ୍ମାନଜନକ ରାଷ୍ଟ୍ରପତି ପୁରସ୍କାର ପ୍ରଦାନ କରାଯାଇଛି।
ଇଂରେଜଙ୍କ ଠାରୁ ନିଜ ଦେଶକୁ ସ୍ବାଧୀନ କରିଥିବା ସଂଗ୍ରାମୀଙ୍କୁ ସମ୍ନାନିତ
ହେଲେ ସେମାନଙ୍କ ମନରେ ରହିଛି ଅନେକ ଅବଶୋଷ । ସେଦିନର ମହାତ୍ମା ଗାନ୍ଧୀଙ୍କ ସ୍ଵପ୍ନର ଭାରତ ଏବେ ଟିକେ ବଦଳି ଯାଇଛି । ସେଦିନ ଗାନ୍ଧୀ ଦେଖିଥିବା ଆହୁରି ଅନେକ ସ୍ଵପ୍ନ ଏବେବି ସାକାର ହୋଇନି। କୋରୋନା ସ୍ଥିତି ପାଇଁ ସିନା ରାଜଭବନ ଯାଇପାରିଲେ ନାହିଁ ଏମାନେ, ହେଲେ ଜିଲ୍ଲାପାଳ ସେହି ସଂଗ୍ରାମୀଙ୍କ ଘରକୁ ଯାଇ ନିଜେ ଏହି ପୁରସ୍କାର ପ୍ରଦାନ କରିଥିଲେ।