କୁମ୍ଭୀର ଟାଣି ନେଇଥିବା ଧୀବରଙ୍କ କ୍ଷତବିକ୍ଷତ ମୃତଦେହ ଉଦ୍ଧାର

ନଈ ମଝିରୁ ଧୀବରକୁ ଟାଣିନେଇଥିଲା କୁମ୍ଭୀର । ଉଦ୍ଧାରହେଲା କ୍ଷତବିକ୍ଷତ ମୃତଦେହ । ଅଧିକ ପଢନ୍ତୁ

ଭଦ୍ରକ:ନଈ ମଝିରୁ ଧୀବରକୁ ଟାଣିନେଇଥିଲା କୁମ୍ଭୀର । ଉଦ୍ଧାରହେଲା କ୍ଷତବିକ୍ଷତ ମୃତଦେହ । ମୃତ ବ୍ୟକ୍ତି ଜଣକ ହେଲେ ତିହିଡି ଥାନା କାଁପଡା ପଞ୍ଚାୟତ ଅଧିନ ବାରଣାକୂଳ ଗ୍ରାମର ବୁଦ୍ଧିରାମ ମଳିକ।

ସୂଚନାଅନୁସାରେ, ବାରଣାକୁଳ ଗାଁର ବୁଦ୍ଧିରାମ ମଳିକ ତାଙ୍କର ଜଣେ ସହଯୋଗୀଙ୍କ ସହ ମନ୍ତେଇ ନଦୀର ଶାଖା ହୀରାଘାଇ ନିକଟକୁ ମାଛ ଧରିବା ପାଇଁ ଯାଇଥିଲେ । ଏହି ସମୟରେ ଏକ କୁମ୍ଭୀର ବୁଦ୍ଧିରାମଙ୍କୁ ନଦୀକୁ ଟାଣି ନେଇଥିଲା । ପରେ ସ୍ଥାନୀୟ ଲୋକେ ଖବର ପାଇଁ ବନ ବିଭାଗ ଓ ଅଗ୍ନିଶମ ବାହିନୀକୁ ଖବର ଦେଇଥିଲେ। ଖବରପାଇ ଅଗ୍ନିଶମ ବାହିନୀ ସର୍ଚ୍ଚ ଅପରେସନ କରି ନଦୀରୁ କିଛି ଦୂରରେ ଏକ ପଠାରେ କୁମ୍ଭୀର ମୁହଁରୁ ବୁଦ୍ଧିରାମଙ୍କୁ ଉଦ୍ଧାର କରିଥିଲେ । କିନ୍ତୁ ସେତେବେଳକୁ ବୁଦ୍ଧିରାମଙ୍କର ଜୀବନ ଚାଲିଯାଇଥିଲା । ଏହାପରେ ସ୍ଥାନୀୟ ଅଞ୍ଚଳରେ ଭୟର ବାତାବରଣ ଦେଖା ଦେଇଛି । କୁମ୍ଭୀର ତାଙ୍କର ଡାହାଣ ହାତ ଓ ଗୋଡକୁ କାମୁଡି ଛିଣ୍ଡାଇ ଖାଇ ଦେଇଥିବା ଦେଖାଦେଇଛି ।

ଇଟିଭି ଭାରତ, ଭଦ୍ରକ