IRE ପ୍ଳାଣ୍ଟରେ କାର୍ଯ୍ୟରତ ମହିଳା ଶ୍ରମିକଙ୍କ ମୃତ୍ୟୁ

ଗଞ୍ଜାମ ଛତ୍ରପୁର ନିକଟବର୍ତ୍ତୀ IRE ପ୍ଳାଣ୍ଟ ପରିସରରେ କାର୍ଯ୍ୟ କରୁଥିବା ସମୟରେ ମହିଳା ଶ୍ରମିକଙ୍କ ମୃତ୍ୟୁ ହୋଇଛି । ଅଧିକ ପଢନ୍ତୁ

ବ୍ରହ୍ମପୁର: ଗଞ୍ଜାମ ଛତ୍ରପୁର ନିକଟବର୍ତ୍ତୀ IRE ପ୍ଳାଣ୍ଟ ପରିସରରେ ମହିଳା ଶ୍ରମିକଙ୍କ ମୃତ୍ୟୁ । କାର୍ଯ୍ୟ କରୁଥିବା ସମୟରେ ରବିବାର ଜଣେ ମହିଳା ଶ୍ରମିକଙ୍କ ମୃତ୍ୟୁ ଘଟିଥିବା ଅଭିଯୋଗ ହୋଇଛି । ମୃତ ମହିଳା ଶ୍ରମିକ ଜଣଙ୍କ ଛତ୍ରପୁର ନିକଟବର୍ତ୍ତୀ ମାଟିଖାଲ ଗ୍ରାମର ୩୪ ବର୍ଷୀୟ ରମା ପ୍ରଧାନ ବୋଲି ଜଣାପଡିଛି ।

ଆଜି ଦିନ ୧ଟା ୨୪ ମିନିଟ ସମୟରେ ପ୍ଳାଣ୍ଟ ପରିସରରେ ଏକ ଲୁହାକୁ ମୁଣ୍ତରେ ବୋହି ଆଣୁଥିବା ସମୟରେ ହଠାତ୍ ଖସି ପଡିବା ଯୋଗୁଁ ଏଭଳି ଘଟଣା ଘଟିଥିବା କୁହାଯାଉଛି । ମହିଳା ଶ୍ରମିକଙ୍କୁ ପ୍ଳାଣ୍ଟ କାର୍ଯ୍ୟରେ ନିୟୋଜିତ କରାଯାଇଥିଲେ ମଧ୍ୟ କୈାଣସି ସୁରକ୍ଷା ବ୍ୟବସ୍ଥା ନଥିବାରୁ ସ୍ଥାନୀୟ ଅଞ୍ଚଳରେ ଚାପା ଉତ୍ତେଜନା ଦେଖାଦେଇଛି । ମୃତ ମହିଳା ଶ୍ରମିକଙ୍କ ଦୁଇଟି ଛୋଟ ଶିଶୁ ରହିଛି । ମହିଳା ଶ୍ରମିକ ଜଣଙ୍କ ପ୍ଳାଣ୍ଟ ପରିସରରେ ଏକ ଠିକାଦାର ଅଧିନରେ ନିୟୋଜିତ ରହିଥିଲେ।

ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ