ବ୍ରହ୍ମପୁର: ଖୁଦୁରୁକୁଣୀ ଓଷା ପାଇଁ ଗତକାଲି ଋଷିକୁଲ୍ୟା ନଦୀରୁ ପାଣି ଆଣିବାକୁ ଯାଇ ଭାସି ଯାଇଥିବା ନିଖୋଜ ଯୁବତୀଙ୍କ ମୃତଦେହ ଉଦ୍ଧାର ହୋଇଛି । ମୃତ ଯୁବତୀ ଜଣଙ୍କ ସିଲି ବେହେରା ବୋଲି ଜଣାପଡ଼ିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବ୍ରହ୍ମପୁର
ଗତକାଲି ଗଞ୍ଜାମ ଜିଲ୍ଲାର ହିଞ୍ଜିଳି କାଞ୍ଜିଆମା ଗ୍ରାମର 5 ଯୁବତୀ ଋଷିକୁଲ୍ୟା ନଦୀକୁ ଯାଇଥିବା ସମୟରେ ନଦୀରେ ଭାସି ଯାଇଥିଲେ । ତାଙ୍କ ମଧ୍ୟରୁ 4 ଜଣଙ୍କୁ ଉଦ୍ଧାର କରାଯାଇଥିଲା । ଗତକାଲି ପୂଜା ପାଇଁ ନଦୀରୁ ପାଣି ଆଣୁଥିବା ବେଳେ ଜଣେ ଯୁବତୀ ନଦୀରେ ଫସି ଯାଇଥିଲେ । ତାଙ୍କୁ ବଞ୍ଚାଇ ବାକୁ ଯାଇ ଅନ୍ୟ 4 ଜଣ ନଦୀ ସ୍ରୋତରେ ଭାସିଯାଇଥିଲେ ।