ବ୍ରହ୍ମପୁର:କୋରୋନା ମହାମାରୀରେ ସମ୍ମୁଖ ଯୋଦ୍ଧାଙ୍କୁ ସମ୍ମାନ ଜଣାଇ ଅଗ୍ରଣୀ ସ୍ବେଚ୍ଛାସେବୀ ସଂଗଠନ ଟିମ କ୍ଲିନ ସିଟି ପକ୍ଷରୁ କରାଯାଇଛି ସାପ୍ତାହିକ ସେବା କାର୍ଯ୍ୟ । ଏହି ଅବସରରେ ନିଆରା ଢଙ୍ଗରେ ସେବା ଯୋଗାଇଛି ଏହି ସଂଗଠନ। କୋରୋନା ମହାମାରୀରେ ସମ୍ମୁଖ ଯୋଦ୍ଧାଙ୍କୁ ସମ୍ମାନ ଜଣାଇ ଟିମ କ୍ଲିନ ସିଟି ପକ୍ଷରୁ ବ୍ରହ୍ମପୁର ସହରରେ ରହିଥିବା ସମସ୍ତ 7ଟି ପୋଲିସ ଚେକ ପୋଷ୍ଟ ଓ ସମସ୍ତ ଟ୍ରାଫିକ ପଏଣ୍ଟରେ ବିଶୋଧନ କରାଯାଇଛି ।
କୋରୋନା ଯୋଦ୍ଧାଙ୍କୁ ଅଭିନବ ଉପାୟରେ ସଙ୍ଗଠନର ସମ୍ମାନ ପ୍ରଦର୍ଶନ, ଚେକପୋଷ୍ଟକୁ କଲା ବିଶୋଧନ
ଟାଟାବେଞ୍ଜ ଛକ, ଗେଟବଜାର, ଲୋଚାପଡା, ଫାଷ୍ଟ ଗେଟ, ଅନ୍ଧପସରା ରୋଡ଼, ଲାଞ୍ଜିପଲ୍ଲୀ ଓ ଖୋଡାସିଙ୍ଗି ଛକରେ ରହିଥିବା ସମସ୍ତ ଚେକପୋଷ୍ଟ ଗୁଡିକ ସହିତ ଗୋପାଳପୁର ଛକ ଓ ଖୋଡାସିଙ୍ଗିରେ ଆମ୍ବୁଲାନ୍ସ ଓ ହାଇୱେ ପେଟ୍ରୋଲିଂ କର୍ମଚାରୀଙ୍କୁ ମଧ୍ୟ ଅନୁରୂପ ସେବା ପ୍ରଦାନ କରିଥିଲେ । ମୁଖ୍ୟତଃ ପୋଲିସ କର୍ମଚାରୀ ଓ ଆମ୍ବୁଲାନ୍ସ କର୍ମଚାରୀଙ୍କୁ ସହାୟତା ଯୋଗାଇଛି ଟିମ୍ ।