ବ୍ରହ୍ମପୁର: ଭିଜିଲାନ୍ସ ଚଢାଉରେ ଗୋଟିଏ ମାଉଜର ସହ ଛଅ ରାଉଣ୍ଡ ଗୁଳି ଜବତ । ବୁଧବାର ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଲକର ଆଙ୍କରଡା ଗ୍ରାମପଞ୍ଚାୟତ ସରପଞ୍ଚ ଉଷାନ୍ତ ସାହୁଙ୍କ ଘରେ ଭିଜିଲାନ୍ସ ଚଢାଉ ବେଳେ ଗୋଟିଏ ମାଉଜର ସହ ଛଅ ରାଉଣ୍ଡ ଅଫୁଟା ଗୁଳି ଜବତ କରିଛି ଭିଜିଲାନ୍ସ ବିଭାଗ ।
ଭିଡିଓ ସୌଜନ୍ୟ:ସମ୍ବାଦଦାତା, ବହ୍ମପୁର
ସୂଚନା ଅନୁଯାୟୀ, ବୁଧବାର ଆଙ୍କରଡା ଗ୍ରାମପଞ୍ଚାୟତ ସରପଞ୍ଚ ଉଷାନ୍ତ ସାହୁଙ୍କ ଘରେ ଭିଜିଲାନ୍ସ ଚଢାଉ କରିଥିଲା । ଛାନଭିନ୍ ବେଳେ ତାଙ୍କ ଘରୁ ଗୋଟିଏ ମାଉଜର, ଛଅ ରାଉଣ୍ଡ ଜୀବନ୍ତ ଗୁଳି, ୬୧୫ ଗ୍ରାମ୍ ସୁନା ଅଳଙ୍କାର, ୧୪ ଶହ ଗ୍ରାମର ରୂପା ଅଳଙ୍କାର ସହ ନଗଦ ୪୪ ହଜାର ଟଙ୍କା ଜବତ କରାଯାଇଛି । ଏହାପରେ ଭିଜିଲାନ୍ସ ବିଭାଗ ପୋଲିସ ବିଭାଗକୁ ବନ୍ଧୁକ ଓ ଗୁଳିକୁ ହସ୍ତାନ୍ତର କରିବା ସହ ପୋଲିସ ଅଧିକ ତଦନ୍ତ କରିବା ପାଇଁ ବିଭାଗ ପକ୍ଷରୁ ଚିଠି ଲେଖାଯାଇଛି ।