ବ୍ରହ୍ମପୁର: ଦୃତ ଗତିରେ ଦୋକାନ ଉପରକୁ ମାଡିଗଲା ଟ୍ରକ ,ସିସିଟିଭିରେ କଏଦ ହେଲା ଭିଡିଓ । ବ୍ରହ୍ମପୁର ସହରର ଗୋଷାଣି ନୂଆଗାଁ ମୁଖ୍ୟ ରାସ୍ତା ଓଭରବ୍ରିଜ ସମ୍ମୁଖରେ ଘଟିଯାଇଛି ଏହି ଦୁର୍ଘଟଣା । କିଭଳି ଦୃତ ଗତିରେ ଆସି ଏହି ଟ୍ରକ ଦୁର୍ଘଟଣା ଘଟିଲା ତାହାର ସଂପୂର୍ଣ୍ଣ ଭିଜୁଆଲ କଏଦ ହୋଇଛି ସିସିଟିଭି କ୍ୟାମରାରେ ।
ଦୋକାନ ଉପରକୁ ମାଡିଗଲା ଟ୍ରକ ଅଳ୍ପକେ ବର୍ତ୍ତିଲେ ସାଇକେଲ ଆରୋହୀ, ସିସିଟିଭିରେ କଏଦ ହେଲା ଭିଡିଓ
ବ୍ରହ୍ମପୁର ସହରର ଗୋଷାଣିନୂଆଗାଁ ମୁଖ୍ୟ ରାସ୍ତା ଓଭରବ୍ରିଜ ସମ୍ମୁଖରେ ନିର୍ମାଣ କାର୍ଯ୍ୟ ଚାଲିଥିବା ବେଳେ ବିପରୀତ ଦିଗରୁ ଆସୁଥିବା ଟ୍ରକ ବୁଲି ନପାରି ସିଧା ଦୋକାନ ଉପରକୁ ଚଢିଗଲା । ଦୁର୍ଘଟଣାରେ ପ୍ରହଲ୍ଲାଦ ପାଣିଗ୍ରାହୀ ନାମକ ବ୍ୟକ୍ତିଙ୍କ ତ୍ରିବେଣୀ ସେଲସ୍ ପଏଣ୍ଟ ନାମକ ବହି ଦୋକାନ ଭାଙ୍ଗୀ ଚୂରମାର ହୋଇଯାଇଛି । ଭାଗ୍ୟବସତଃ ଦୋକାନରେ କେହି ନଥିଲେ । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛନ୍ତି । ଏଥିରେ ଟ୍ରକ ଡ୍ରାଇଭର ଗୁରୁତର ଆହାତ ହୋଇଥିବା ବେଳେ ତାଙ୍କୁ ପୋଲିସର ପିସିଆର୍ ଭ୍ୟାନ୍ ଯୋଗେ ସହରର ସିଟି ହସପିଟାଲରେ ଭର୍ତ୍ତି କରାଯାଇଛି ।