ବ୍ରହ୍ମପୁର: ତିବବ୍ଦୀୟ ଶୀତ ପୋଷାକ ବଜାରରେ ଜମିଲାଣି ଭିଡ

ଧିରେଧିରେ ଶୀତର ପ୍ରକୋପ ଅନୁଭୂତ ହେବାରେ ଲାଗିଛି। ଏଥିପାଇଁ ଶୀତ ପୋଷାକର ଚାହିଦା ମଧ୍ୟ ବଢିଲାଣି। ଏହିକ୍ରମରେ ରେଶମ ନଗରୀ ବ୍ରହ୍ମପୁର ସହରର ପୁରୁଣା ଆମ୍ବ ମାର୍କେଟ ପଡିଆରେ ପ୍ରତି ବର୍ଷ ଭଳି ଏଥର ବି ଆରମ୍ଭ ହେଲାଣି ତିବବ୍ଦୀୟ ଶରଣାର୍ଥୀଙ୍କ ଶୀତ ପୋଷାକ ବଜାର। ଯେଉଁଠି ବେଶ ଭିଡ ଜମିବାରେ ଲାଗିଛି।

ବ୍ରହ୍ମପୁର: ରେଶମ ନଗରୀରେ ଧିରେଧିରେ ଶୀତର ପ୍ରଭାବ ଅନୁଭୂତ ହେବାରେ ଲାଗିଛି। ଏଥିପାଇଁ ଶୀତବସ୍ତ୍ର ଦରକାର ପଡିଲାଣି। ଏହିକ୍ରମରେ ବ୍ରହ୍ମପୁରରେ ପଶମ ବସ୍ତ୍ରର ବ୍ୟବସାୟ ଆରମ୍ଭ ହୋଇଯାଇଛି। ପ୍ରତିବର୍ଷ ଭଳି ଏଥର ସହରର ପୁରୁଣା ଆମ୍ବ ମାର୍କେଟ ପଡିଆରେ ତିବବ୍ଦୀୟ ଶରଣାର୍ଥୀଙ୍କ ଶୀତ ପୋଷାକ ବଜାରରେ ଭିଡ ଜମିବାରେ ଲାଗିଛି। ଏହାକୁ କ୍ରୟ କରିବା ପାଇଁ ସହର ସମେତ ବିଭିନ୍ନ ଅଞ୍ଚଳରୁ ଜନସାଧାରଣ ଏଠାକୁ ଆସୁଛନ୍ତି।

ପ୍ରତ୍ୟେକ ବର୍ଷ ଶୀତ ଦିନେ ରେଶମ ସହର ବ୍ରହ୍ମପୁରରେ ଆସି ପହଞ୍ଚିଥାନ୍ତି ତୀବବ୍ଦୀୟ ଶରଣାର୍ଥୀ। ସହରର ପୁରୁଣା ଆମ୍ବ ମାକେର୍ଟ ସ୍ଥିତ ଚର୍ଚ୍ଚ ପଡିଆରେ ଖୋଲାଯାଇଛି ଏମାନଙ୍କ ବଜାର। ଛୋଟ ପିଲାଙ୍କ ଠାରୁ ଆରମ୍ଭ କରି ମହିଳା, ପୁରୁଷ ଏବଂ ସମସ୍ତବର୍ଗର ବ୍ୟକ୍ତିଙ୍କ ପାଇଁ ଏଠାରେ ଭଳିକି ଭଳି ଶୀତ ପୋଷାକ ବିକ୍ରି ହେଉଥିବାରୁ ସମସ୍ତେ ଏଠାରେ ଆସି ପହଞ୍ଚୁଛନ୍ତି। ଚଳିତଥର ତୀବ୍ଦେତାନ ଶୀତ ପୋଷାକ ବଜାରରେ ୩୮ଟି କାଉଣ୍ଟର ଖୋଲିଛି। ଏଥିପାଇଁ ତିବବ୍ଦୀୟ ବଜାର କମିଟି ପକ୍ଷରୁ ଜନସାଧାରଣଙ୍କ ପାଇଁ ଧାର୍ଯ୍ୟ କରାଯାଇଛି ଫିକ୍ସ ପ୍ରାଇସ୍।

ବିଗତ କିଛି ଦିନ ମଧରେ ସାମାନ୍ୟ ଥଣ୍ଡା ଅନୁଭୂତ ହେଉଥିବା ଯୋଗୁଁ ଖୋଲିଥିବା ଏହି ବଜାରରେ ସଂନ୍ଧ୍ୟା ସମୟରେ ଭଲ ବ୍ୟବସାୟ ହେଉଛି। ମୁଖ୍ୟତଃ ତିନି ମାସ ଧରି ଏହି ବ୍ୟବସାୟ ହେଉଥିବା ବେଳେ ତୀବ୍ଦତୀୟ ବ୍ୟବସାୟୀ ପ୍ରାୟତଃ ଜାନୁୟାରୀ ଦ୍ବିତୀୟ ସପ୍ତାହ ପର୍ଯ୍ୟନ୍ତ ବିକ୍ରି କରିଥାନ୍ତି। ବଜାର ଏବଂ ସୋ-ରୁମ ତୁଳନାରେ ଏଠାରେ ଅଧିକ ଦାମରେ ବିକ୍ରି ହେଉଥିବା ଶୀତ ବସ୍ତ୍ର ପ୍ରାୟତଃ କମ୍ ଦରରେ ମିଳେ। ଏହାକୁ ନେଇ ଲୋକେ ଅନେକ ଖୁସି ଥିବା ବେଳେ ବର୍ଷତମାମ ନିଜର ହାତବୁଣା ଶୀତ ପୋଷାକ ସହିତ ବାହାର ରାଜ୍ୟରୁ ଆସୁଥିବା ପଶମ ବସ୍ତ୍ରକୁ ଏଠାରେ ବିକ୍ରି କରାଯାଇଥାଏ।

ପ୍ରତ୍ଯେକ ବର୍ଷ ଡିସେମ୍ବର ମାସରେ ଶୀତର ମାତ୍ରା ଅଧିକ ଅନୁଭୂତ ହେଉଥିବା ବେଳେ ଉକ୍ତ ସମୟରେ ଥଣ୍ଡାରୁ ମୁକ୍ତି ପାଇବା ସହ ଅନେକ ନିଜ ପରିବାରର ସ୍ବାସ୍ଥ ପ୍ରତି ସଜାଗ ରହିବା ପାଇଁ ଏଭଳି ପଶମ ବସ୍ତ୍ର କ୍ରୟ କରିଥାନ୍ତି। ଆଗାମୀ ଦିନରେ ବିକ୍ରି ବୃଦ୍ଧି ପାଇବ ବୋଲି ଆଶା କରାଯାଉଛି।

ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ