ବ୍ରହ୍ମପୁର: ପାକିସ୍ତାନକୁ ଭାରତୀୟ ସେନାର କଡା ଜବାବ ଦିଆଯିବା ଘଟଣାକୁ ନେଇ ବ୍ରହ୍ମପୁରରେ ସର୍ଦ୍ଦାର ବଲ୍ଲଭ ଭାଇ ପଟେଲ ବହୁମୁଖୀ ସଙ୍ଘ ପକ୍ଷରୁ ମିଷ୍ଟାନ ବଣ୍ଟନ କରାଯାଇଛି । ସହରର କୋର୍ଟପେଟା ଛକ ଜଗନ୍ନାଥ ମନ୍ଦିର ସମୁଖରେ ସଭାପତି ରାମ କୁମାର ପାତ୍ରଙ୍କ ନେତୃତ୍ବରେ ସମସ୍ତ ସଦସ୍ୟ ଏହି କାର୍ଯ୍ୟ କରି ସୈନିକମାନଙ୍କ କାର୍ଯ୍ୟକୁ ପ୍ରଶଂସା କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ବ୍ରହ୍ମପୁର
ରବିବାର ଜାମ୍ମୁ କାଶ୍ମୀରର ତଙ୍ଗଧର ସେକ୍ଟରରେ ପାକିସ୍ତାନ ପକ୍ଷରୁ ଗୁଳି ଚାଳନା କରାଯିବା ପରେ ଭାରତୀୟ ସେନା ଏହାର କଡା ଜବାବ ଦେଇଥିଲା । ସେପଟେ ଭାରତୀୟ ସେନାର ପାଲଟା କାର୍ଯ୍ୟାନୁଷ୍ଠାନରେ ପିଓକେରେ ଭାରି ମାତ୍ରାରେ କ୍ଷୟକ୍ଷତି ହୋଇଥିବା ସ୍ବୀକାର କରିଛି ପାକିସ୍ତାନ । ଏହି ଆକ୍ରମଣରେ ଦୁଇ ଯବାନଙ୍କ ସମେତ ୩ ଜଣ ସାଧାରଣ ନାଗରିକଙ୍କ ଜୀବନ ଯାଇଛି । ଭାରତର ପାଲଟା ଜବାବରେ 4 ରୁ 5 ପାକିସ୍ତାନୀ ସେନା ନିହତ ହୋଇଥିବା ସୂଚନା ରହିଛି ।