ବ୍ରହ୍ମପୁର:ରାଜ୍ୟ କାଜୁ ଉନ୍ନୟନ ନିଗମର ଅଧ୍ୟକ୍ଷ ଭାବେ ବ୍ରହ୍ମପୁର ଉନ୍ନୟନ ପରିଷଦର ପୂର୍ବତନ ଅଧ୍ୟକ୍ଷ ତଥା ବ୍ରହ୍ମପୁର ମ୍ୟୁନିସପାଲଟିର ପୂର୍ବତନ କାଉନସିଲର ଏବଂ ବ୍ରହ୍ମପୁର କେନ୍ଦ୍ରୀୟ ସମବାୟ ବ୍ୟାଙ୍କର ପୂର୍ବତନ ସଭାପତି ସୁବାସ ମହାରଣାଙ୍କୁ ଚୟନ କରାଯାଇଛି । ରାଜ୍ୟ ସରକାରଙ୍କ ପକ୍ଷରୁ ଜାରି ହୋଇଥିବା ବିଜ୍ଞପ୍ତି ମାଧ୍ୟମରେ ଏହା ଘୋଷଣା ହୋଇଛି ।
ରାଜ୍ୟ କାଜୁ ଉନ୍ନୟନ ନିଗମର ଅଧ୍ୟକ୍ଷ ହେଲେ ସୁବାସ ମହାରଣା
ଏହି ଦାୟିତ୍ବ ଦେଇଥିବାରୁ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇବା ସହ କର୍ତ୍ତବ୍ୟକୁ ସୁଚାରୁ ରୂପେ ତୁଲାଇବେ ବୋଲି ସୁବାସ ମହାରଣା କହିଛନ୍ତି । ବିଗତ ବର୍ଷ ମାନଙ୍କରେ ଉଜୁଡିଯାଇଥିବା କାଜୁ ଜଙ୍ଗଲକୁ ପୁଣି ସୃଷ୍ଟି କରିବା ସହିତ ଅଧିକ ମାତ୍ରାରେ ବୃକ୍ଷରୋପଣ ହେଲେ ଆଗାମୀ ଦିନରେ ଆହୁରି କାଜୁ ଆଦାୟ ବୃଦ୍ଧି ପାଇବ ବୋଲି ସୁବାସ ମହାରଣା କହିଛନ୍ତି । ସେ ଆହୁରି ମଧ୍ୟ କହିଛନ୍ତି, "ନିଗମର ଉନ୍ନତି ସହିତ ଲାଭ ନିଶ୍ଚିତ ହେବ ଏବଂ ଦେଶରେ ଏକ ନମ୍ୱର ଭବରେ କାଜୁ ନିଗମ ପରିଣତ ହେବ। ଦୁର୍ନୀତି ମୁକ୍ତ କାର୍ଯ୍ୟ ପରିଚାଳନା କରିବାକୁ ଉଦ୍ୟମ ଜାରି ରଖିବି ।"