ବ୍ରହ୍ମପୁର: ବାଳାଶ୍ରମରୁ ନାବାଳିକା ଫେରାର ଘଟଣାରେ ଅଧିକ ଅନୁସନ୍ଧାନ କରିବା ପାଇଁ ବ୍ରହ୍ମପୁରରେ ରାଜ୍ୟ ଶିଶୁ ସୁରକ୍ଷା କମିଟି ଗସ୍ତ କରି ତଦନ୍ତ କରିଛନ୍ତି । କମିଟି ମୁଖ୍ୟ କୁଏରା ସୁଲତାନା ବେଗମ୍ । ତାଙ୍କ ଅଧକ୍ଷତାରେ ରାଜ୍ୟ ଶିଶୁ ସୁରକ୍ଷା ଅଧିକାରୀ ଅନୁପମା ବିଶ୍ବାଳଙ୍କ ସମେତ ଏକ ପାଞ୍ଚ ଜଣିଆ କମିଟି ରାଜଧାନୀ ଭୁବନେଶ୍ବରରୁ ଆସି ବ୍ରହ୍ମପୁରରେ ପହଞ୍ଚି ଥିଲେ ।
ବାଳାଶ୍ରମରୁ ନାବାଳିକା ଫେରାର ଘଟଣା, ରାଜ୍ୟ ଶିଶୁ ସୁରକ୍ଷା କମିଟିର ବ୍ରହ୍ମପୁର ଗସ୍ତ
ଏହାପରେ ପ୍ରଥମେ ବାଳାଶ୍ରମ ପରିସରର ପରିକ୍ରମା କରି କିଭଳି ଏବଂ କେଉଁ ପରିସ୍ଥିତିରେ ଅନ୍ତେବାସୀ ବାଳାଶ୍ରମରୁ ବାହାରକୁ ଗଲେ ସେନେଇ ବିସ୍ତୃତ ଭାବେ ଆଲୋଚନା କରିଥିଲେ । ଏଭଳି ଘଟଣା ଯେଉଁଭଳି ଆଗାମୀ ଦିନରେ ପୁନଃରାବୃତ୍ତି ନହୁଏ ସେଥିପାଇଁ ସମସ୍ତ କର୍ମଚାରୀଙ୍କ ସହ ଆଲୋଚନା କରି ତାଗିଦ କରିଥିଲେ ।