ବ୍ରହ୍ମପୁର:କଲେଜ କ୍ୟାମ୍ପସକୁ ସ୍ମାର୍ଟଫୋନ ବାରଣ । ଯଦି ଫୋନର ଅତ୍ୟାଧିକ ଆବଶ୍ୟକ ଅଛି ତାହେଲେ କିପେଡ ମୋବାଇଲ ବ୍ୟବହାର କର । ଏଭଳି କହିଛନ୍ତି ବ୍ରହ୍ମପୁର ସହର ମହାମାୟୀ ମହିଳା ମହାବିଦ୍ୟାଳୟର ଅଧ୍ୟକ୍ଷ ଏନ.ନାରାୟଣ ରାଓ । ମହାବିଦ୍ୟାଳୟ ପରିସରରେ ଶୈକ୍ଷିକ ବାତାବରଣରେ ଅଧିକ ସ୍ୱଚ୍ଛତା ଆଣିବା ପାଇଁ ସ୍ମାର୍ଟଫୋନକୁ ବାରଣ କରିବାରେ ତାଙ୍କର ଉଦ୍ଦେଶ୍ୟ ରହିଛି । ଅଧ୍ୟକ୍ଷଙ୍କ ପକ୍ଷରୁ ଏନେଇ ନୋଟିସ କରାଯାଇଥିବା ବେଳେ ୩୦ ତାରିଖରୁ ଏହା କଡାକଡି କରାଯିବ ବୋଲି କୁହାଯାଇଛି ।
କଲେଜ କ୍ୟାମ୍ପସକୁ ସ୍ମାର୍ଟଫୋନ ବାରଣ
ସେ କହିଛନ୍ତି ବିଦ୍ୟାର୍ଥୀ ମାନେ ସ୍ମାର୍ଟ ଫୋନ ନେଇ ଆସିବା ସହ କ୍ଲାସ ରୁମ ଠାରୁ ଆରମ୍ଭ କରି ପ୍ରାକ୍ଟିକାଲ କ୍ଲାସ ପର୍ଯ୍ୟନ୍ତ ସବୁଠାରେ ପାଠପଢାରେ ଅନେକ ଅସୁବିଧା ହେଉଥିବା ଅନୁଧ୍ୟାନ କରାଯାଇଛି । ସେନେଇ କଲେଜ ପରିସରକୁ ସ୍ମାର୍ଟଫୋନ ବାରଣ କରାଯାଇଥିବା ବେଳେ ଆବଶ୍ୟକ ପଡିଲେ କେବଳ କିପେଡ ଫୋନ ବ୍ୟବହାର କରିପାରିବେ ।