ବ୍ରହ୍ମପୁର: MKCG ମେଡିକାଲରୁ ନିଖୋଜ ହୋଇଯାଇଛନ୍ତି ଅବସରପ୍ରାପ୍ତ ବରିଷ୍ଠ ଓ.ଏ.ଏସ୍ ଅଧିକାରୀ ବୃନ୍ଦାବନ ମଲ୍ଲିକ । ଗତ ୧୮ ତାରିଖରେ ଗଞ୍ଜାମ ଜିଲ୍ଲାର ହିଞ୍ଜିଳିକାଟୁ ବ୍ରହ୍ମଣଛାଇ ଅଞ୍ଚଳରେ ରହି ଆସୁଥିବା ୭୫ ବର୍ଷୀୟ ବୃନ୍ଦାବନ ଅସୁସ୍ଥତା ଅନୁଭବ କରିବାରୁ ତାଙ୍କ ବଡ ପୁଅ ଏମ୍.କେ.ସି.ଜିକୁ ଚିକିତ୍ସା ପାଇଁ ଆଣିଥିଲେ ।
ସେଠାରେ ଡାକ୍ତର ବୃନ୍ଦାବନଙ୍କ ମାନସିକ ଅସ୍ଥିରତା ଦେଖି ନିଦ ଆସିବା ପାଇଁ ଏକ ଇଞ୍ଜେକସନ୍ ଦେଇଥିଲେ । ଏହାପରେ ତାଙ୍କୁ ମେଡିକାଲର ମେଡିସେନ୍ ବିଭାଗର କାଜୁଆଲଟିରେ ଭର୍ତ୍ତି କରାଯାଇଥିଲା ।
୧୯ ତାରିଖ ସକାଳ ସମୟରେ ବୃନ୍ଦାବନଙ୍କୁ ନିଜ ପୁଅ ମେଡିକାଲ ପରିସରରୁ ମୁଖ୍ୟ ଫାଟକ ପର୍ଯ୍ୟନ୍ତ ଆଣିବା ପରେ ସେଠାରେ ଛାଡି କିଛି ସମୟ ପାଇଁ ଯାଇ ଫେରିବା ପରେ ବାପା ନଥିବା ଦେଖି ବ୍ୟତିବ୍ୟସ୍ତ ହୋଇପଡିଥଇଲେ । ଏହାସହ ଗତ ପାଞ୍ଚ ଦିନ ଧରି ବିଭିନ୍ନ ଅଞ୍ଚଳରେ ବୃନ୍ଦାବନଙ୍କୁ ଖୋଜି ବୁଲୁଛନ୍ତି ତାଙ୍କ ପୁଅ ।
ସେପଟେ ବୃନ୍ଦାବନଙ୍କ ପତ୍ତା ମିଳୁନଥିବାରୁ ସପରିବାର ବର୍ଗ ଏକ ପ୍ରକାର ଚିନ୍ତାରେ ଅଛନ୍ତି । ନିଜର ବନ୍ଧୁ ପରିଜନଙ୍କଠାରୁ ଆରମ୍ଭ କରି ସ୍ଥାନୀୟ ଥାନା ଏବଂ ସହର ସମେତ ଜିଲ୍ଲାର ବିଭିନ୍ନ ସ୍ଥାନରେ ଖୋଜି ବୃନ୍ଦାବନଙ୍କୁ ପାଉନାହାଁନ୍ତି । ସେପଟେ ଏମ୍.କେ.ସି.ଜି ମେଡିକାଲର ସିସି ଟିଭି ଫୁଟେଜକୁ ଯାଜ୍ଞ କରାଯାଇଥିଲେ ମଧ୍ୟ ସେଭଳି କୌଣସି ସ୍ପଷ୍ଟ ସୂଚନା ପାଇପାରିନାହାନ୍ତି । କିଭଳି ଏବଂ କେଉଁ ପରିସ୍ଥିତିରେ ଚିକିତ୍ସାଧିନ ଅବସ୍ଥାରେ ଜଣେ ବୟସ୍କ ବୃଦ୍ଧ ନିଖୋଜ ହେଲେ ସେ ନେଇ ବୃନ୍ଦାବନଙ୍କ ପୁଅଙ୍କ ସହିତ Exclusive ଆଲୋଚନା କରିଛନ୍ତି ଆମ ବ୍ରହ୍ମପୁର ରିପୋର୍ଟର ସମୀର ଆଚାର୍ଯ୍ୟ ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ