ବ୍ରହ୍ମପୁର: ‘ଭୂତପ୍ରେତ ଅସ୍ତିତ୍ବ ଥିବା ନେଇ ପ୍ରମାଣ କରି ଦେଖାନ୍ତୁ । ତା ବଦଳରେ 50 ହଜାର ଟଙ୍କା ପୁରସ୍କାର ପାଆନ୍ତୁ ।’ ଏହି କଥା ଆମେ କହୁନୁ କହୁଛନ୍ତି ଗଞ୍ଜାମ ଜିଲ୍ଲାପାଳ । ଭୂତପ୍ରେତଙ୍କ ଅସ୍ତିତ୍ବ ଓ ଗୁଣିଗାରେଡିକୁ ପ୍ରମାଣ କରି ଦେଖାଇପାରିଲେ ସେହି ବ୍ୟକ୍ତିଙ୍କୁ ୫୦ ହଜାର ଟଙ୍କାର ପୁରସ୍କାର ଦିଆଯିବ ବୋଲି ସେ ଘୋଷଣା କରିଛନ୍ତି ।
‘ଭୂତପ୍ରେତ ଥିବା ନେଇ ପ୍ରମାଣ କରନ୍ତୁ, 50 ହଜାର ଟଙ୍କା ପୁରସ୍କାର ଜିତନ୍ତୁ’
ଗତ କିଛି ମାସ ମଧ୍ୟରେ ସାରା ଜିଲ୍ଲାର ବିଭିନ୍ନ ସ୍ଥାନରେ ଗୁଣିଗାରେଡି ଠାରୁ ଆରମ୍ଭ କରି ଭୂତପ୍ରେତ ନାମରେ ଅନେକ ଘଟଣା ସାମ୍ନାକୁ ଆସିଛି । ବାରମ୍ବାର ସଚେତନତା ଧର୍ମୀ କାର୍ଯ୍ୟକ୍ରମ ପରେ ମଧ୍ୟ ଲୋକେ ଗୁଣିଗାରେଡି ଓ ଭୂତପ୍ରେତ ଅସ୍ତିତ୍ବ ଥିବାଭଳି କଥାକୁ ଅନ୍ଧ ଭଳି ବିଶ୍ବାସ କରୁଛନ୍ତି । ଏହି ଭ୍ରାନ୍ତ ଧାରଣାକୁ ଲୋକଙ୍କ ମନରୁ ଦୂରେଇବା ପାଇଁ ଏଭଳି ଘୋଷଣା କରିଛନ୍ତି ଜିଲ୍ଲାପାଳ ।