ବ୍ରହ୍ମପୁର: ଦକ୍ଷିଣ ଓଡିଶାର ପ୍ରମୁଖ ବ୍ୟବସାୟୀକ ସ୍ଥଳ କୁହାଯାଉଥିବା ବ୍ରହ୍ମପୁର ସହରରେ ହୁ ହୁ ହୋଇ ବଢୁଛି ଆଳୁ ଓ ପିଆଜ ଦର । ପିଆଜ ଦର କିଲୋ ପ୍ରତି ୭୦ ରୁ ୮୦ ଟଙ୍କାରେ ପହଞ୍ଚିଥିବା ବେଳେ ଆଳୁ ଦର କିଲୋଗ୍ରାମ୍ ପ୍ରତି ରହିଛି ୩୫ ରୁ ୪୦ ଟଙ୍କା । ମୁଖ୍ୟତଃ ଅନେକ ପରିବାରରେ ଆଳୁ ବିନା ତରକାରୀ ହେଉଥିବା ବେଳେ ଗରିବ ପରିବାରର ସାହା ଭରସା ରହିଥିବା ପିଆଜ ଦର ବୃଦ୍ଧି ସାଧାରଣ ଖାଉଟିଙ୍କୁ ଚିନ୍ତାରେ ପକାଇଛି । ଯାହାକୁ ନେଇ କୁହାଯାଉଛି ପିଆଜ କାଟିବା ବେଳେ ନୁହେଁ ବରଂ କିଣିବା ବେଳେ ଆଖିରୁ ଲୁହ ବାହାରୁଛି ।
ହୁ ହୁ ହୋଇ ବଢୁଛି ଆଳୁ ପିଆଜ ଦର, ଚିନ୍ତାରେ ଖାଉଟି
ସେପଟେ ଖୁଚୁରା ବ୍ୟବସାୟୀଙ୍କ କହିବା କଥା ଆଳୁ ଏବଂ ପିଆଜ ବସ୍ତାରେ ଅନେକ ଖରାପ ଆଳୁ ଓ ପିଆଜ ବାହାରୁଛି । ବସ୍ତା ପ୍ରତି ଦରରେ ଯାହା କ୍ରୟ କରୁଛନ୍ତି ସେଥିରେ କିଛି ଲାଭ ରଖି ବିକ୍ରି କରୁଛନ୍ତି । ଅନ୍ୟପଟେ ଆଗକୁ କାର୍ତ୍ତିକ ମାସ ଆସୁଥିବାରୁ ଏହାରି ପୂର୍ବରୁ ଏଭଳି ଆଳୁ ଓ ପିଆଜ ଦର ବୃଦ୍ଧି ସାଙ୍ଗକୁ ପନିପରିବା ଦର କଥା ନକହିବା ଭଲ ।