ବ୍ରହ୍ମପୁର: ସହରରେ ଥମୁନି ଲୁଟପାଟ ଘଟଣା । ଖାକି ବର୍ଦ୍ଦିର ସାହାରା ନେଇ ସାଧାରଣ ଜନତାଙ୍କୁ ଲୁଟୁଛନ୍ତି ଲୁଟେରା । ଗତ କିଛି ମାସର ବ୍ୟବଧାନରେ ବ୍ରହ୍ମପୁର ସହରର ବିଭିନ୍ନ ସ୍ଥାନରେ ପୋଲିସ ପରିଚୟ ଦେଇ ମହିଳାଙ୍କଠାରୁ ସୁନା ଗହଣା ଲୁଟି ନେବା ଘଟଣା ଦିନକୁ ଦିନ ବୃଦ୍ଧି ପାଇବାରେ ଲାଗିଛି । ଯାହାକୁ ନେଇ ଚିନ୍ତାରେ ସମସ୍ତେ ।
ଭିଡିଓ ସୌଜନ୍ୟ: ସମ୍ବାଦଦାତା, ବ୍ରହ୍ମପୁର
ସହରର ମିଲିଟାରୀ ଲାଇନର ଭି.ଭି ସାରଦା ନାମକ ମହିଳା ମନ୍ଦିର ଯାଇ ଘରକୁ ଫେରୁଥିବା ବେଳେ ଦଳୁଆ ସାହି ନିକଟରେ ଦୁଇ ଜଣ ଯୁବକ ତାଙ୍କୁ ଅଟକାଇଥିଲେ । ଯୁବକ ଦୁଇଜଣ ନିଜକୁ ପୋଲିସର ପରିଚୟ ଦେଇ ଏତେ ସୁନା ପିନ୍ଧିଛ କାହିଁକି ବୋଲି କହିବା ସହ ସୁନା ଅଳଙ୍କାରକୁ ବାହର କରି ବ୍ୟାଗରେ ରଖିବା ପାଇଁ କହିଥିଲେ । ନଶୁଣିଲେ ପୋଲିସ ପକ୍ଷରୁ ଜୋରିମାନା ଆଦାୟ କରାଯିବ ବୋଲି କହି ଭୟଭୀତ ମଧ୍ୟ କରାଇଥିଲେ ।